విద్యార్థులను నగ్నంగా ఫొటో తీసిన లేడీటీచర్ సస్పెండ్

By Srinivas

Published: Thursday, November 17, 2011, 14:29 [IST]

హైదరాబాద్/గుంటూరు: రాజధాని నగరంలోని కర్మన్‌ఘాట్‌లో ఓ పాఠశాలలో ఒకరు చిన్నారిపై అత్యాచారానికి పాల్పడ్డ సంఘటన గురువారం చోటు చేసుకుంది. కర్మన్‌ఘాట్‌లోని ఆకృతి పాఠశాలలో బాత్ రూం క్లీనర్‌గా పని చేస్తున్న ఆమన్ అనే వ్యక్తి రెండో తరగతి చదువుతున్న ఆరేళ్ల చిన్నారిపై అత్యాచారానికి పాల్పడ్డాడు. విషయం తెలుసుకున్న విద్యార్థిని తల్లిదండ్రులు, బంధువులు పాఠశాల ఎదుట ఆందోళనకు దిగారు. పాఠశాల లోనికి వెళ్లి ఫర్నిచర్ ధ్వంసం చేశారు. అత్యాచారానికి పాల్పడిన వ్యక్తిపై సరూర్ నగర్ పోలీసు స్టేషన్‌లో ఫిర్యాదు చేశారు. పోలీసులు కేసు నమోదు చేసుకొని దర్యాఫ్తు చేస్తున్నారు. ఆమన్‌ను పోలీసులు అదుపులోకి తీసుకున్నారు.

కాగా శ్రీ పొట్టి శ్రీరాములు నెల్లూరు జిల్లాలో ఓ ప్రధానోపాద్యాయురాలు విద్యార్థులను నగ్నంగా ఫోటోలు తీయడం సంచలనం సృష్టించింది. ప్రిన్సిపల్ శాంతిప్రియ నగ్నంగా ఫోటోలు తీయడం తెలిసిన తల్లిదండ్రులు, విద్యార్థులు డిఈవోకు ఫిర్యాదు చేశారు. స్పందించిన డిఈవో ఆమెను సస్పెండ్ చేశారు.

Published On November 17, 2011