గాలి కేసు:రాజగోపాల్ బెయిల్ పిటిషన్ విచారణ వాయిదా

By Srinivas

Published: Tuesday, November 22, 2011, 11:48 [IST]

హైదరాబాద్: కర్నాటక మాజీ మంత్రి గాలి జనార్ధన్ రెడ్డికి చెందిన ఓబుళాపురం మైనింగ్ కార్పోరేషన్ కేసులో గనుల శాఖ మాజీ డైరెక్టర్ రాజగోపాల్ బెయిలు, స్పెషల్ కేటగిరి పిటిషన్లపై విచారణ బుధవారానికి వాయిదా పడింది. గాలి గనుల కేసులో అరెస్టైన రాజగోపాల్ ఇటీవల బెయిల్ కోసం, ప్రత్యేక కేటగిరి కోసం పిటిషన్ దాఖలు చేసిన విషయం తెలిసిందే. ఇది మంగళవారం సిబిఐ ప్రత్యేక కోర్టులో విచారణకు వచ్చింది. రెండు పిటిషన్లపై కౌంటర్ దాఖలు చేయాలని సిబిఐని న్యాయస్థానం ఆదేశిస్తూ వాయిదా వేసింది.

తాను ఉన్నత కుటుంబం నుంచి వచ్చానని, మచ్చలేని ప్రభుత్వ ఉద్యోగిగా పని చేశానని అంతేకాకుండా తన అనారోగ్యాన్ని దృష్టిలో పెట్టుకొని ప్రత్యేక వసతులు కల్పించాలని రాజగోపాల్ న్యాయస్థానానికి దరఖాస్తు చేసుకున్నారు. రాజగోపాల్ రిమాండును ఈ నెల 25వ తేది వరకు న్యాయస్థానం పొడిగించిన విషయం తెలిసిందే. కాగా ఎమ్మార్ కేసులో ఆ సంస్థ ప్రతినిధులు సిబిఐ ముందు హాజరయ్యారు.

Published On November 22, 2011