టెలికం కేసులో మాజీ మంత్రి సుఖరామ్‌కు బెయిల్

న్యూఢిల్లీ: టెలికం కుంభకోణం కేసులో మాజీ టెలికం మంత్రి సుఖరామ్‌కు ఢిల్లీ హైకోర్టు సోమవారం బెయిల్ మంజూరు చేసింది. వైద్య కారణాల వల్ల హైకోర్టు ఆయనకు బెయిల్ మంజూరు చేసింది. పది లక్షల రూపాయలేసి రెండు షూరిటీలపై ఆయనకు ఈ బెయిల్ మంజూరైంది. పివి నర్సింహా రావు ప్రభుత్వ హయాంలో టెలికం మంత్రిగా ఉన్న సుఖరామ్ పదవి అడ్డుపెట్టుకుని లంచం తీసుకుని ఓ ప్రైవేట్ కంపెనీకి కాంట్రాక్టు ఇచ్చారనే కేసులో ఆయనను కోర్టు దోషిగా నిర్ధారించి, ఆయనకు జైలు శిక్ష విధించింది.

86 ఏళ్ల సుఖరామ్ ఢిల్లీ హైకోర్టులో బెయిల్ పిటిషన్ మంజూరు చేసుకున్నారు. సుఖరామ్ 86 ఏళ్ల వృద్ధుడని, కేసు విచారణకు 12, 13 ఏళ్లుగా కోర్టు చుట్టూ తిరుగుతున్నారని, ముసలితనానికి సంబంధించిన సమస్యలతో బాధపడుతున్నారని, భార్యను కూడా కోల్పోయారని, తన పట్ల ఉదారంగా వ్యవహరించాలని అంతకు ముందు సుఖరామ్ తరఫు న్యాయవాది కోర్టుకు చెప్పారు.

English summary

The Delhi High Court has granted bail to former Telecom Minister Sukhram. He was convicted in the 1996 telecom scam where he was accused of accepting bribe as kickbacks for awarding contracts to a private firm.