ఇదీ పరిస్థితి!: సోనియాతో భేటీ ఐన బొత్స దంపతులు

By Srinivas

Published: Wednesday, December 14, 2011, 15:17 [IST]

న్యూఢిల్లీ: ప్రదేశ్ కాంగ్రెసు కమిటీ అధ్యక్షుడు, రవాణా శాఖ మంత్రి బొత్స సత్యనారాయణ బుధవారం ఏఐసిసి అధ్యక్షురాలు సోనియా గాంధీతో భేటీ అయ్యారు. బొత్స తన సతీమణి, ఎంపీ బొత్స ఝాన్సీతో కలిసి సోనియా వద్దకు వెళ్లారు. మేడంకు రాష్ట్రంలోని తాజా రాజకీయ పరిస్థితులు వివరించినట్లుగా సమాచారం. అవిశ్వాసం, జగన్ ఎమ్మెల్యేలపై వేటు, చిరంజీవి వర్గానికి కేబినెట్లో చోటు, తెలంగాణ తదితర అంశాలపై ఆమెతో చర్చించారని తెలుస్తోంది.

కాగా మంగళవారం రాత్రి రాష్ట్ర వ్యవహారాల ఇంచార్జ్ గులాం నబీ ఆజాద్‌తో భేటీ అయిన బొత్స జగన్ ఎమ్మెల్యేలపై వెంటనే వేటు వేయాలని, చిరంజీవి వర్గానికి కేబినెట్లో ప్రాధాన్యత ఇవ్వాలని సూచించారు. బొత్స ఢిల్లీలో పార్టీ పెద్దలతో భేటీ అవుతూ బిజీ బిజీగా ఉన్నారు.

Published On December 14, 2011