బాబు కేసు: కోర్టు ఆర్డర్‌తో విచారణ నిలిపి వేసిన సిబిఐ

హైదరాబాద్: తెలుగుదేశం పార్టీ అధినేత నారా చంద్రబాబు నాయుడు ఆస్తుల కేసులో సిబిఐ ప్రాథమిక విచారణను బుధవారం నిలిపి వేసింది. హైకోర్టు మధ్యంతర ఉత్తర్వుల మేరకు సిబిఐ తన విచారణ నిలిపివేసింది. ఇందుకు సంబంధించిన ఉత్తర్వులు తముకు అందినట్లుగా సిబిఐ స్పష్టం చేసింది. కాగా నవంబర్ 14న హైకోర్టు ఆదేశాల మేరకు సిబిఐ ఇటీవల చంద్రబాబు ఆస్తులపై విచారణ ప్రారంభించిన విషయం తెలిసిందే. అయితే తమపై విచారణకు అభ్యంతరాలు వ్యక్తం చేస్తూ ఈ కేసులో ప్రతివాదులైన రామోజీ రావు, నామా నాగేశ్వర రావు సుప్రీం కోర్టుకు వెళ్లడం, సుప్రీం ఆదేశాల మేరకు వారు హైకోర్టులో వెకేట్ పిటిషన్ దాఖలు చేశారు.

చంద్రబాబు కూడా వెకేట్ పిటిషన్ దాఖలు చేశారు. వెకేట్ పిటిషన్ పై సోమవారం నుండి మూడు రోజులు ఇరువురి వాదనలు న్యాయమూర్తులు విన్నారు. ఇదే కేసులో ఇంప్లీడ్ చేయమన్న ఎన్టీఆర్ టిడిపి అధ్యక్షురాలు లక్ష్మీ పార్వతి వాదనలు కూడా విన్నారు. పిటిషనర్, ప్రతివాదులు, ఇంప్లీడ్ అయిన వారి వాదనలు విన్న కోర్టు తీర్పును వాయిదా వేసింది. అయితే మంగళవారమే ప్రతివాదుల వాదనలు విన్న కోర్టు ప్రాథమిక విచారణ వాయిదా వేయమని ఉత్తర్వులు జారీ చేసింది. దీంతో సిబిఐ విచారణ నిలిపివేసింది.

English summary

CBI stopped enquiry on TDP chief Nara Chandrababu Naidu property case by high court orders.