ఆంధ్రుల కోసమనే లగడపాటి అమ్ముకున్నాడు: హరీష్

హైదరాబాద్: తెలుగు ప్రజల కోసమే అని బీరాలు పలుకే విజయవాడ పార్లమెంటు సభ్యుడు లగడపాటి రాజగోపాల్ విద్యుత్ సంక్షోభ సమయంలో తన విద్యుత్‌ను తమిళనాడుకు అమ్ముకున్నారని తెలంగాణ రాష్ట సమితి సిద్దిపేట శాసనసభ్యుడు హరీష్ రావు బుధవారం అన్నారు. ప్రభుత్వం విద్యుత్ విషయంలో కూడా తెలంగాణ, సీమాంధ్ర ప్రాంతాల పట్ల వివక్షత చూపుతోందని విమర్శించారు. సీమాంధ్ర పరిశ్రమలకు ఒకరోజు హాలీడే ఇస్తే తెలంగాణ పరిశ్రమలకు రెండు రోజులు హాలీడే ఇస్తూ పక్షపాత వైఖరి చూపిస్తోందన్నారు.

సమ్మె కారణంగానే విద్యుత్ సంక్షోభం తలెత్తిందని ముఖ్యమంత్రి చెబుతుంటే అదే భేటీలో ఉన్న తెలంగాణ మంత్రులు ఏమీ మాట్లాడకపోవడం శోచనీయమన్నారు. కరెంటు కోత కారణంగా రైతులు తీవ్ర ఇబ్బందులు ఎదుర్కొంటున్నారన్నారు. డిసెంబరులోనూ ఎనిమిది గంటల కోత విధించడం శోచనీయమన్నారు. విద్యుత్ కోతకు సమ్మెను సాకుగా చూపడం సరికాదన్నారు. విద్యుత్ పై ప్రభుత్వం శ్వేత పత్రం విడుదల చేయాలని, దానిపై బహిరంగ చర్చకు కూడా తాము సిద్ధమన్నారు.

English summary

Vijayawada MP Lagadapati Rajagopal sold his company power to Tamilnadu in crisis, accused TRS MLA Harish Rao.