మద్దెలచెర్పు సూరి గ్యాంగ్‌తో నిమ్స్ డాక్టర్‌కు లింక్స్

హైదరాబాద్: తన అనుంగు అనుచరుడు భాను కిరణ్ చేతిలో హతమైన మద్దెలచెర్వు సూర్యనారాయణ రెడ్డికి, నిజాం వైద్య విజ్ఞాన సంస్థ (నిమ్స్) డిప్యూటీ మెడికల్ సూపరింటిండెంట్ డాక్టర్ శరత్ ప్రసాద్‌కు మధ్య సంబంధాలు నేర దర్యాప్తు విభాగం (సిఐడి) విచారణలో బయటపడింది. నిమ్స్ డిప్యూటీ డైరెక్టర్ డాక్టర్ జి. శరత్ ప్రసాద్‌పై సిఐిడ బలవంతపు వసూళ్లు, బెదిరింపుల కింద నమోదు చేసిన కేసులో సహ నిందితుడిగా చేర్చారు. మద్దెలచెర్వు సూరి గ్యాంగ్‌కు చెందిన వివి మధు మోహన్ రెడ్డిని పోలీసులు మంగళవారం నాంపల్లిలోని క్రిమినల్ కోర్టులు హాజరు పరిచారు. మద్దెలచెర్వు హత్య కేసులో ప్రధాన నిందితుడు భాను కిరణ్ ఇంకా పరారీలోనే ఉన్నాడు.

డాక్టర్ శరత్ ప్రసాద్ పరారీలో ఉన్నాడని, అతని మొబైల్ పని చేయడం లేదని సిఐడి తన రిమాండ్ రిపోర్టులో తెలిపింది. జంట హత్యకేసులో నిందితుడు జైరాం రెడ్డికి రక్షణ కల్పించాడనే ఆరోపణలపై శరత్ ప్రసాద్ సస్పెన్షన్‌కు గురయ్యాడు. మధు మోహన్ రెడ్డి రియల్ ఎస్టేట్ వ్యాపారి. సూరి హత్య కేసులో మధుమోహన్ రెడ్డిని సాక్షిగా భావిస్తున్నారు. వ్యాపారి వి. సుధీర్ రెడ్డి ఇచ్చిన ఫిర్యాదు మేరకు సిఐడి పోలీసులు మధుమోహన్ రెడ్డిని అరెస్టు చేశారు. తన అస్తులను లాక్కోవడానికి భాను కిరణ్, మధు మోహన్ రెడ్డి, డాక్టర్ శరత్ ప్రసాద్, సూరి సోదరి కుట్ర చేశారని ఆయన ఆరోపించారు.

సూధీర్ రెడ్డి చెప్పిన ఆస్తుల్లో పులిమామిడిలో నాలుగు ప్లాట్లు, కేశవరంలోని పెండ్యాలలో 5.17 ఎకరాల భూమి ఉన్నాయి. ఆ భూమిని సుధీర్ రెడ్డి విష్ణువర్ధన్ రావు నుంచి కొన్నారు. తన వాటా భూమిని లాక్కోవడానికి విష్ణువర్ధన్ రావు మాఫియాను వాడుతున్నట్లు ఆరోపణలున్నాయి.

English summary

The unholy nexus between doctors in Nims and the mafia has once again come to light with the Criminal Investigation Department naming the deputy medical superintendent of Nims, Dr G. Sarath Prasad, as a co-accused in an extortion and criminal intimidation case.