ఇఫ్లూ పిహెచ్‌డి విద్యార్థినిపై అత్యాచారయత్నం

By Srinivas

Published: Wednesday, December 14, 2011, 20:44 [IST]

హైదరాబాద్/విశాఖపట్నం: ఇఫ్లూ(ఇంగ్లీష్ అండ్ ఫారిన్ లాంగ్వెజెస్ యూనివర్సిటీ)లో పిహెచ్‌డి విద్యార్థినిపై అత్యాచారయత్నం జరిగింది. తనపై ఒకరు అత్యాచార యత్నానికి పాల్పడ్డారని బాధిత విద్యార్థిని బుధవారం సాయంత్రం ఉస్మానియా విశ్వవిద్యాలయ పోలీసు స్టేషన్‌లో ఫిర్యాదు చేసింది. పోలీసులు కేసు నమోదు చేసుకొని దర్యాఫ్తు చేస్తున్నారు.

కాగా విశాఖపట్నం సాగర్‌నగర్‌లో జరిగిన రోడ్డు ప్రమాదంలో ఇద్దరు గీతం విద్యార్థులు మృతి చెందారు. విశ్వవిద్యాలయంలో బిటెక్ రెండో సంవత్సరం చదువుతున్న శరత్, కృష్ణమాధవ్ ద్విచక్ర వాహనంపై వెళుతూ అదుపు తప్పి బస్సును ఢీకొనడంతో తీవ్ర గాయాలయ్యాయి. చికిత్స నిమిత్తం వారిని ఆసుపత్రికి తరలిస్తుండగా శరత్ మరణించగా, చికిత్స పొందుతూ కృష్ణమాధవ్ మరణించాడు. పోలీసులు కేసు నమోదు చేసుకొని దర్యాఫ్తు చేస్తున్నారు.

Published On December 14, 2011