చైనాతో ఎలాంటి ముప్పు లేదు: లోక్‌సభలో మన్మోహన్

న్యూఢిల్లీ: ప్రధాని మన్మోహన్ సింగ్ చైనాను వెనుకేసుకొచ్చారు. భారత్‌కు చైనా నుండి ఎలాంటి ముప్పు లేదని ఆయన లోక్‌సభలో మాట్లాడుతూ చెప్పారు. సరిహద్దు సమస్య పరిష్కరించేందుకు ఇరు దేశాలు ప్రయత్నం చేస్తున్నాయన్నారు. మన దేశంపై చైనా దాడి చేయాలని చూస్తుందన్న వార్తలలో ఎలాంటి నిజం లేదన్నారు. ఇరు దేశాల మధ్య సత్సంబంధాలు కొనసాగుతున్నాయని తెలిపారు. సరిహద్దు సమస్య చర్చించి పరిష్కరించుకుందామని చెప్పారు. చైనాపై ఎలాంటి ఆందోళన అవసరం లేదని హామీ ఇచ్చారు.

చైనా దేశంపై దాడి చేయడానికి ప్రయత్నిస్తుందన్న వ్యాఖ్యలతో ప్రభుత్వం ఏకీభవించదన్నారు. ఇప్పటి వరకు సరిహద్దు సమస్య పరిష్కారం దిశలో ముందుకు వెళ్లలేదన్నారు. అయినప్పటికీ చైనాలోని అత్యధికులు భారత్‌తో సత్సంబంధాలు కొనసాగాలని కోరుకుంటున్నారని తెలిపారు. ఇరు దేశాల మధ్య శాంతి, సామరస్యం కొనసాగాలని ఆయన ఆకాంక్షించారు.

English summary

Prime Minister Manmohan Singh on Wednesday played down the security threat from China, saying peace and tranquility continues between the two neighbours.