మాజీ మంత్రి శీలం సిద్దా రెడ్డి కన్నుమూత

హైదరాబాద్: మాజీ మంత్రి శీలం సిద్దా రెడ్డి సోమవారం కన్నుమూశారు. ఆయన కొంతకాలంగా అనారోగ్యంతో బాధపడుతున్నారు. ఆరోగ్య పరిస్థితి విషమించడంతో ఆయన సోమవారం కన్నుమూశారు. ఆయన స్వగ్రామం ఖమ్మం జిల్లా ఎర్రుపాలెం మండలంలోని బనిగండ్లపాడు. ఆయన వయస్సు 86 ఏళ్లు. ఆయన 1967లో మంత్రిగా పని చేశారు. ఆయన మరణ వార్త తెలిసిన స్థానిక కార్యకర్తలు, అభిమానులు విచారంలో మునిగి పోయారు.

అంతకుముందు ఆయన ఆరోగ్యం విషమించిందని తెలిసి ముఖ్యమంత్రి కిరణ్ కుమార్ రెడ్డి వెళ్లి ఆయనను పరామర్శించారు. ఖైరతాబాద్‌లోని సిద్దారెడ్డి నివాసానికి వెళ్లి పరామర్శించారు. అంతకుముందు మాజీ మంత్రి రాంరెడ్డి వెంకట రెడ్డి, కాసు కృష్ణా రెడ్డి, అనంతపురం జిల్లా సీనియర్ ఎమ్మెల్యే జెసి దివాకర్ రెడ్డి తదితరులు పరామర్శించారు.

English summary

Ex Minister Seelam Sidda Reddy dead today in his residence.