వైయస్ విజయమ్మ ప్రజాదర్బార్, సమస్యలపై దృష్టి

కడప: వైయస్సార్ కాంగ్రెసు పార్టీ కడప జిల్లా పులివెందుల శానససభ్యురాలు వైయస్ విజయమ్మ ప్రజాదర్భార్ నిర్వహించారు. దివంగత నేత వైయస్ రాజశేఖర రెడ్డి దారిలో ఆమె పయనిస్తున్నారని ఈ దర్బార్‌పై వైయస్సార్ కాంగ్రెసు పార్టీ నాయకులు వ్యాఖ్యానిస్తున్నారు. నియోజకవర్గం ప్రజలతో మమేకమై వారి కష్టసుఖాల్లో ఆమె పాలు పంచుకుంటున్నారని చెప్పుకుంటున్నారు. పులివెందులలో మంగళవారం నిర్వహించిన ప్రజాదర్బార్‌లో ఈ దృశ్యమై కనిపించిందని అంటున్నారు.

పులసివెందులలోని వైయస్సార్ కాంగ్రెసు పార్టీ కార్యాలయంలో ఆమె ప్రజాదర్బార్ నిర్వహించారు. విజయమ్మకు ప్రజలు తమ సమస్యలను విన్నవించుకున్నారు. వికలాంగులు, వృద్ధులు, తమకు పింఛన్లు ఇప్పించాలని కోరారు. ప్రభుత్వ పథకాల అమలులో పలు ఇబ్బందులు ఎదురవుతున్నాయని వారు ఆమెకు ఫిర్యాదు చేశారు. వినతులను, ఫిర్యాదులను ఆమె ఒపికతో విన్నారు. సంబంధిత అధికారులకు ఫోన్ చేసి వాటిని వివరించారు.

English summary

YSR Congress Pulivendula MLA YS Vijayamma has organised Praja darbar at Pulivendula.