కిరణ్పై అటాక్: డిఎల్ చెప్పని మంత్రి ఎవరు?
మోపిదేవి వెంకటరమణతో బుధవారం ఓ టీవీ చానెల్ నిర్వహించిన ఓ కార్యక్రమంలో ఆ మంత్రి పేరు ప్రస్తావనకు వచ్చింది. ఖమ్మం జిల్లాకు చెందిన నాయకుడి ఇంట్లో జరిగిన ఓ కార్యక్రమం ఏర్పాట్లన్నీ నున్నా వెంకటరమణే చూశాడని ఓ వ్యక్తి మోపిదేవి వెంకటరమణతో ఫోన్లో మాట్లాడుతూ చెప్పారు. ఆ నాయకుడి పేరు కూడా ఆయన చెప్పారు. అయితే, దానికి తానెలా సమాధానం చెబుతానని మోపిదేవి అన్నారు. మీ కాంగ్రెసు పార్టీకి చెందిన మంత్రే కదా అని ఆ వ్యక్తి మోపిదేవితో అన్నారు. ఖమ్మం జిల్లా కాంగ్రెసు రాజకీయాలతో తనకు అంతగా పరిచయం లేదని, అందువల్ల తాను ఆ విషయం ఏమీ చెప్పలేనని మోపిదేవి అన్నారు. దీన్ని బట్టి డిఎల్ రవీంద్రా రెడ్డి ఉద్దేశించి చేసిన వ్యాఖ్య ఏ మంత్రిపై చేసిందో అర్థమైపోతుందనే అభిప్రాయం వినపడుతోంది. తాము మోపిదేవి వెంకటరమణకు పది లక్షల రూపాయలు లంచం ఇచ్చామని ఎసిబి అరెస్టు చేసిన వెంకటరమణ తన వాంగ్మూలంలో చెప్పాడు. అదే ఇప్పుడు మోపిదేవి వెంకటరమణకు చుట్టుకుంది.