• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

తెలంగాణపై తీర్మానానికి డేట్ చెబితే సహకారం: కెటిఆర్

By Srinivas
|

KT Rama Rao
హైదరాబాద్: తెలంగాణపై తీర్మానానికి ఖచ్చితమైన తేది చెబితే తాము అసెంబ్లీ సమావేశాలు సజావుగా సాగేందుకు సహకరిస్తామని తెలంగాణ రాష్ట్ర సమితి ఎమ్మెల్యేలు బుధవారం చెప్పారు. అసెంబ్లీ వాయిదా పడ్డ అనంతరం సిరిసిల్ల శాసనసభ్యుడు కల్వకుంట్ల తారక రామారావు, టిఆర్ఎస్ఎల్పీ ఈటెల రాజేందర్ మాట్లాడారు. తెలంగాణపై తీర్మానం ప్రవేశ పెట్టే వరకు తాము సభను అడ్డుకుంటామని హెచ్చరించారు. ఐదు నిమిషాల్లో జరిగే తీర్మానం అంశాన్ని వాయిదా వేయడం సరికాదన్నారు. ముఖ్యమంత్రి కిరణ్ కుమార్ రెడ్డి తెలుగుదేశం పార్టీ అధినేత నారా చంద్రబాబు నాయుడు వరంగల్ జిల్లా పర్యటనకు ఐదువేల మంది పోలీసులను ఇచ్చి సహకరించారని ఆరోపించారు. చంద్రబాబు తెలంగాణ వేడి తగ్గిందని అంటున్నారని, ఉప ఎన్నికలతో ఆ వేడి తెలుస్తుందన్నారు. మాకు తెలంగాణ తీర్మానమే ప్రధానమని వారు అన్నారు.

కాంగ్రెసు, టిడిపి లాలూచీతోనే తీర్మానం ఆలస్యమవుతోందన్నారు. తీర్మానం రాకుండా ఉండేందుకు కుట్రపూరితంగా టిడిపి మద్యం సిండికేట్‌పై చర్చ జరగాలని పట్టుబడుతోందని ఆరోపించారు. ఎన్నికల్లో కిరణ్ కుమార్ రెడ్డిపై పోటీ చేసి ఓడిపోయిన టిడిపి అభ్యర్థిని సమాచార కమిషనర్‌గా నియమించడం టిడిపి - కాంగ్రెసు మ్యాచ్ ఫిక్సింగ్‌కు నిలువెత్తు నిదర్శనమని అన్నారు. స్పీకర్ సభా సమయాన్ని వృథా చేస్తున్నారని అన్నారు.

English summary
TRS MLA KT Rama Rao demanded government for Telangana resolution in Assembly.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X