• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

వైయస్సార్ స్పూర్తికి గండి: బడ్జెట్‌పై వైయస్ జగన్

By Pratap
|

YS Jagan
హైదరాబాద్: ఆర్థిక మంత్రి ఆనం రామనారాయణ రెడ్డి శాసనసభలో ప్రతిపాదించిన బడ్జెట్‌పై వైయస్సార్ కాంగ్రెసు పార్టీ అధ్యక్షుడు వైయస్ జగన్ స్పందించారు. రెండు రూపాయలకు కిలో బియ్యం పథకం కోటాను 30 కిలోలకు పెంచకుండా వైయస్ రాజశేఖర రెడ్డి స్ఫూర్తికి బడ్జెట్ గండి కొట్టిందని ఆయన వ్యాఖ్యానించారు. 2012 - 2013 బడ్జెట్‌ను ఆయన వంచన, ఆత్మవంచన మేళవింపుగా ఆయన అభివర్ణించారు. వైయస్ ప్రభుత్వ హయాంలోని బడ్జెట్లు మానవీయ కోణంలో ఉండేవని, పన్నుల మోత ఉండేది కాదని ఆయన అన్నారు.

బడ్జెట్ గ్రామీణ ఆర్థిక వ్యవస్థను నిలబెట్టేదిగా లేదని ఆయన అన్నారు. ముఖ్యమంత్రి కిరణ్ కుమార్ రెడ్డి తెస్తున్న పోలికలు, విధానాలు ఆందోళన కలిగించే విధంగా ఉన్నాయని ఆయన అన్నారు. సంక్షేమ స్వర్ణ యుగం నుంచి రాష్ట్రాన్ని సంక్షామ యుగం వైపు నడిపిస్తున్నట్లుగా ఉందని ఆయన అన్నారు. ఈ మేరకు ఆయన ఆరు పేజీల పత్రికా ప్రకటనను శనివారంనాడు విడుదల చేశారు. ఉచిత విద్యుత్తును మరిచిపోయిందని ఆయన అన్నారు. ప్రచారం కోసం ప్రభుత్వం కోట్లాది రూపాయలు తగలేస్తోందని ఆయన విమర్శించారు.

ప్రభుత్వం పన్నులపైనే దృష్టి పెట్టిందని, ఇంకెన్ని పన్నులు వేస్తారోనని ప్రజలు వణికిపోతున్నారని ఆయన అన్నారు. ముఖ్యమంత్రికి ప్రజలంటే చులకనగా ఉందని ఆయన అన్నారు. ఈ ప్రభుత్వం ఉన్నది ఎవరి కోసమని ఆయన ప్రశ్నించారు. తక్కువ నిధులు కేటాయించి 104, 108 సర్వీసులను నడిపించలేమనే సంకేతాలను ఇస్తున్నారని ఆయన అన్నారు.

English summary
YSR Congress party president YS Jagan has deplored 2012 - 2013 budget.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X