పురాతన భవనం కూలి నలుగురు దుర్మరణం

నిజామాబాద్: నిజామాబాద్‌లోని సరస్వతి నగర్‌లో శనివారం విషాదం నెలకొంది. శనివారం ఉదయం ఓ పురాతణ భవనం ఒక్క సారిగా కుప్పకూలిపోయింది. ఈ ఘటనలో ఇద్దరు చిన్నారులతో సహా నలుగురు మృతి చెందారు. భవనం పునాదులు తవ్వుతుండగా ఈ ఘటన చోటుచేసుకుంది. మృతులు గుంటూరు జిల్లా వినుకొండకు చెందినవారని తెలుస్తోంది.

పట్టణంలోని డిఈవో కార్యాలయం సమీపంలో కొత్త భవనం నిర్మాణం కోసం కూలీలు పునాదులు తవ్వుతుండగా పక్కనే ఉన్న పాత భవనం గోడ ఒక్కసారిగా కుప్పకూలింది. దీంతో నలుగురు దుర్మరణం చెందారు. సమాచారం తెలుసుకున్న ఉన్నతాధికారులు, పోలీసులు, రిస్క్యూ ఆపరేషన్ బృందం సంఘటనా ప్రదేశానికి చేరుకుని సహాయ కార్యక్రమాలు చేపట్టాయి. పోలీసులు కేసు నమోదు చేసి దర్యాప్తు చేపట్టారు.

English summary

Four dead at Nizamabad, as old building collapsed. The deceased were belong to Vinukonda of Guntur district.