వీసా స్కామ్‌లో ఆస్ట్రేలియాలో భారత విద్యార్థికి జైలు

మెల్బోర్న్: ఆస్ట్రేలియా వీసా పొందడానికి ఇంగ్లీషు పరీక్షకు సంబంధించి తప్పుడు మార్కులు చూపించిన వ్యవహారంలో పెర్త్‌కు చెందిన ఓ భారత విద్యార్థికి 14 నెలల జైలు శిక్ష పడింది. 2009 నవంబర్, 2010 జూన్ మధ్య కాలంలో పెర్త్‌లోని కుర్టిన్ విశ్వవిద్యాలయంలో అంతర్జాతీయ ఆంగ్ల పరీక్ష విధానం (ఐలెట్స్) మార్కులను మార్చిన వ్యవహారంలో 31 ఏళ్ల రాజేష్ కుమార్‌పై పది ఆరోపణలను మోపారు. ఆస్ట్రేలియాలో శాశ్వత చిరునామా కోసం మార్కులను మార్చినట్లు రాజేష్ కుమార్ అంగీకరించాడు. దీంతో పెర్త్ జిల్లా కోర్టు అతనికి జైలు శిక్ష విధించింది.

ఈ కేసులో ఇప్పటికే 9 మంది జైలులో మగ్గుతున్నారు. చాలా మంది, ముఖ్యంగా భారత విద్యార్థుల మార్కులను మార్చేసినందుకు కుర్టిన్ విశ్వవిద్యాలయం ఆంగ్ల భాషా కేంద్రం ఉద్యోగి కోక్ కీత్ లో ఆ తొమ్మిది మందిలో ఉన్నారు. కోక్ కీత్ లోకు రెండేళ్ల జైలు శిక్ష పడింది. మార్కులను మార్చడానికి రాజేష్ కుమార్ కోక్ కీత్ లోకు లంచం ఇచ్చాడు.

English summary

A Perth-based Indian student will spend 14 months in jail for his involvement in a scam to falsify English test scores to get Australian visas.