• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

జగన్, బాబుపై విరుచుకుపడిన బొత్స, సిఎంగా కిరణే

By Srinivas
|

Botsa Satyanarayana
హైదరాబాద్: తెలంగాణ అంశంపై కాంగ్రెసు పార్టీకి స్పష్టమైన విధానం ఉందని ప్రదేశ్ కాంగ్రెస్ కమిటీ అధ్యక్షుడు, రవాణా శాఖ మంత్రి బొత్స సత్యనారాయణ గురువారం అన్నారు. ఈ అంశంపై త్వరలో పార్టీ కార్యాచరణ ప్రారంభిస్తుందని చెప్పారు. అసెంబ్లీ సమావేశాలు అడ్డుకుంటే తెలంగాణ సమస్య పరిష్కారమవుతుందా అని ఆయన ప్రశ్నించారు. తెలంగాణ త్వరగా తేల్చాలని తానూ కోరుతున్నానని అన్నారు. ఈ అంశంపై తాము ప్రతి రోజు అధిష్టానం దృష్టికి తీసుకు వెళుతున్నామని ఆయన చెప్పారు. పార్టీ త్వరలో ఈ సమస్యను పరిష్కరిస్తుందని ఆయన ఆశాభావం వ్యక్తం చేశారు. ఉప ఎన్నికల్లో గెలుపోటముల విషయాన్ని పక్కన పెడితే తాము ఆశించినట్లుగానే మంచి ఫలితాలు సాధించామని అన్నారు. అసెంబ్లీలో తెలుగుదేశం పార్టీ వంటి ప్రతిపక్షం ఉంటే సభ ఇలాగే వాయిదాలు పడుతుందని అన్నారు.

ఎస్సీ, ఎస్టీ సబ్ ప్లాన్ కమిటీ విస్తృత ప్రచారం నిర్వహిస్తామని చెప్పారు. ఈ నెల 31న జిల్లా కేంద్రాల్లో, ఏప్రిల్ 2, 3 తేదీల్లో పట్టణ, మండల కేంద్రాల్లో ప్రదర్శనలు నిర్వహిస్తామని చెప్పారు. దివంగత ప్రధానులు ఇందిరా గాంధీ, రాజీవ్ గాంధీ, రాజ్యాంగ నిర్మాత అంబేడ్కర్ విగ్రహాల వద్ద నివాళులు అర్పిస్తామని చెప్పారు. ఎన్నికలను డబ్బు మయం చేసింది తెలుగుదేశం పార్టీ అధినేత నారా చంద్రబాబు నాయుడే అని ఆరోపించారు. ఏఐసిసి పరిశీలకులు కృష్ణమూర్తి ఎప్పుడూ వచ్చే వారేనని నో సీరియస్ అని పార్టీ వ్యవహారాలపై స్పందిస్తూ అన్నారు.

వైయస్సార్ కాంగ్రెస్ పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి దోచుకుంది దాచుకోవడానికే ఉప ఎన్నికలు తెచ్చారని ఆరోపించారు. వచ్చే ఉప ఎన్నికలకు తాము అభివృద్ధి, అవినీతి, సంక్షేమ కార్యక్రమాల ప్రచారంతో వెళ్తామన్నారు. అసెంబ్లీ సమావేశాలు సజావుగా సాగక పోవడం బాధాకరమన్నారు. విపక్షాల తీరు వల్లే సభా సమయం వృథా అయిందన్నారు. కాగ్ రిపోర్టులో ప్రభుత్వం లోపాలను ఎత్తి చూపడం సహజమేనని, వాటిని సరిదిద్దుకుంటామని చెప్పారు. 2014 వరకు ముఖ్యమంత్రిగా సిఎం కిరణ్ కుమార్ రెడ్డి కొనసాగుతారని చెప్పారు.

English summary
PCC chief Botsa Satyanarayana blamed TDP chief Nara Chandrababu Naidu and YSR Congress Party chief YS Jaganmohan Reddy.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X