మూణ్ణెళ్ల గర్భిణీని కిడ్నాప్ చేసి, నగలు దోచుకున్నారు

By Srinivas

Published: Sunday, April 1, 2012, 11:54 [IST]

ముంబై: ఇరవై నాలుగేళ్ల గర్భీణిని నలుగురు దుండగులు అపహరించి ఆమె వద్ద నున్న రెండు లక్షల రూపాయల నగదు దోచుకున్న సంఘటన మహారాష్ట్రలో శనివారం జరిగింది. గూర్గాన్ సబర్బన్ ప్రాంతంలో ఉండే ఆమె శనివారం ఓ పని నిమిత్తం ఇంటి నుండి మధ్యాహ్నం బయటకు వచ్చింది. ఆ సమయంలో నలుగురు దుండగులు ఓ ఇన్నోవా కారులో వచ్చి ఆమెను బలవంతంగా అందులో ఎక్కించుకొని వెళ్లారు. ఆ తర్వాత ఆమెను పలు గంటలు బందీగా ఉంచారు. ఆమె వద్ద ఉన్న రూ.2 లక్షల విలువైన బంగారు నగలను దోచుకున్నారు. బాధితురాలి ఫిర్యాదు మేరకు పోలీసులు కేసు నమోదు చేసుకొని దర్యాఫ్తు చేస్తున్నారు.

బాధితురాలు తన ఫ్యామిలీ మెంబర్స్‌తో కలిసి నివాసం ఉంటుంది. ఆమె భర్త నావీలో ఉద్యోగం చేస్తున్నారు. ఇతను ప్రస్తుతం అబ్రాడ్‌లో ఉన్నారు. సంవత్సరం క్రితం పెళ్లయింది. ప్రస్తుతం మూడు నెలల గర్భవతి. వచ్చిన నలుగురు అగంతకులు ఆమెను కారులోకి లాగి, ఆమె కళ్లు మూశారు. ఆ తర్వాత ఆమె వద్ద ఉన్న నగలను లాక్కున్నారని పోలీసులు తెలిపారు. అగంతకులు ఆమెను పలు గంటల పాటు పరిశీలించిన అనంతరమే సాయంత్రం మాల్వాని ప్రాంతంలో ఆమెను కిడ్నాప్ చేసి ఉంటారని పోలీసులు చెప్పారు.

Published On April 1, 2012