• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

దిగొచ్చిన మమతా బెనర్జీ: ప్రణబ్‌కే ఓటు, అసంతృప్తితోనే

By Srinivas
|

 Mamata Banerjee
కోల్‌కతా: తృణమూల్ కాంగ్రెసు అధినేత్రి, పశ్చిమ బెంగాల్ ముఖ్యమంత్రి మమతా బెనర్జీ ఎట్టకేలకు మెట్టు దిగారు. జూలై 19న జరగనున్న రాష్ట్రపతి ఎన్నికలలో సొంత రాష్ట్రానికి చెందిన యుపిఏ అభ్యర్థి ప్రణబ్ ముఖర్జీకే మద్దతివ్వాలని ఆమె నిర్ణయించింది. ఈ మేరకు ఆమె మంగళవారం ప్రకటించారు. ప్రణబ్ దాదాకే మద్దతివ్వాలని తృణమూల్ పార్టీ నిర్ణయించిందని ఆమె కోల్‌కతాలో చెప్పారు.

రాష్ట్రపతి ఎన్నికలలో పాల్గొంటామని ఆమె చెప్పారు. ఈ రోజు జరిగిన సమావేశంలో పార్టీ ఈ మేరకు నిర్ణయం తీసుకుందని చెప్పారు. మాకు మరో అవకాశం లేకుండా పోయిందని, తాము వ్యక్తిగతంగా ప్రణబ్‌కు ఓటేయనున్నామని, తమది రాజకీయ నిర్ణయమని చెప్పారు. తాను ప్రధానమంత్రి మన్మోహన్ సింగ్‌కు ఫోన్ చేసి తమ నిర్ణయాన్ని ఇప్పటికే వెల్లడించామని చెప్పారు. మమతా బెనర్జీ అంతకుముందు కొందరు ముఖ్యమైన శానససభ్యులు, పార్లమెంటు సభ్యులతో సమావేశమయ్యారు.

కాగా మమతా బెనర్జీ మొదటి నుండి ప్రణబ్ ముఖర్జీ అభ్యర్థిత్వానికి విముఖత చూపిన విషయం తెలిసిందే. యుపిఏ ప్రణబ్‌ను ఎంపిక చేస్తుందని తెలియగానే ఆమె మాజీ రాష్ట్రపతి అబ్దుల్ కలాం, ప్రధాని మన్మోహన్ సింగ్ తదితరుల పేర్లు తెర పైకి తీసుకు వచ్చింది. తాము సూచించిన వారిలో ఎవరినో ఒకరిని రాష్ట్రపతి అభ్యర్థిగా రంగంలోకి దింపాలని సోనియా గాంధీకి సూచించింది. అయితే మమత సూచనలను సోనియా బేఖాతరు చేశారు.

ఆమె వ్యతిరేకించిన ప్రణబ్‌నే ఎంపిక చేశారు. దీంతో ఆమె కొంతకాలంగా యుపిఏపై అసంతృప్తితో ఉన్నారు. ఓ సమయంలో యుపిఏ నుండి వైదొలుగుతారనే ప్రచారం కూడా జరిగింది. ఇటీవల కొద్ది రోజులుగా స్తబ్ధుగా ఉన్నారు. ఎన్నికలలో ప్రణబ్ గెలిచే అవకాశాలే ఎక్కువగా ఉండటంతో రాష్ట్రానికి చెందిన నేతకు మద్దతు ఇవ్వకుంటే విమర్శలు ఎదుర్కోవాల్సి వస్తుందనే ఆలోచనతో ఆమె అసంతృప్తితోనైనా దాదాకే మద్దతు ప్రకటించారు.

English summary
Mamata Banerjee's Trinamool Congress will vote for Pranab Mukherjee in the July 19 polls for President. The decision was taken at a meeting in Kolkata today where Ms Banerjee met some important MLAs and MPs of her party. Announcing the decision Ms Banerjee said," We did not have a choice. We are supporting him individually. It is a political decision."
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X