• search

పాతబస్తీ నిర్మానుష్యం: అక్బర్ రిమాండ్ పొడగింపు

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Shutdown in Hyderabad to protest Asaduddin Owaisi's arrest
    హైదరాబాద్: మజ్లీస్ అధినేత, హైదరాబాద్ పార్లమెంటు సభ్యుడు అసదుద్దీన్ ఓవైసీ అరెస్టుకు నిరసనగా మంగళవారం హైదరాబాద్ పాతబస్తీలోనూ ముస్లింలు అధికంగా ఉన్న ఇతర ప్రాంతాల్లోనూ మంగళవారం బంద్ జరుగుతోంది. ఎప్పుడూ రద్దీగా ఉండే చార్మినార్ పరిసర ప్రాంతాలు నిర్మానుష్యంగా కనిపించాయి. హైదరాబాదులోని పాతబస్తీలో దుకాణాలను, విద్యాసంస్థలను, వ్యాపార సంస్థలను మూసేశారు.

    ఆర్టీసీ బస్సులే కాదు, ఆటో రిక్షాలు కూడా పాతబస్తీలో కనిపించడం లేదు. అవాంఛనీయ సంఘటనలు జరగకుండా పారా మిలిటరీ బలగాలు రంగంలోకి దిగాయి. సోమవారం కూడా పాతబస్తీలో బంద్ వాతావరణమే నెలకొని ఉంది. మెదక్ జిల్లాలోని సంగారెడ్డి, ఇతర పట్టణాల్లోనూ, తెలంగాణలోని కరీంనగర్, ఆదిలాబాద్ తదితర జిల్లాల్లోనూ రాయలసీమలోని అనంతపురం జిల్లాల్లోనూ బంద్ ప్రభావం కనిపించింది.

    హైదరాబాదులో సోమవారం చెదురుమొదరు సంఘటనలను చోటు చేసుకున్నాయి. సోమవారం రాత్రి హైదరాబాదు పాతబస్తీలోని బహదూర్‌పురాలో గుర్తు తెలియని వ్యక్తులు ఆర్టీసి బస్సుపై దాడి చేశారు. బస్సుకు నిప్పు పెట్టడానికి ప్రయత్నించారు. ఈ సంఘటనలో బస్సు డ్రైవర్ గాయపడ్డాడు. హైదరాబాదులోని పాతబస్తీలో, సంగారెడ్డి, తదితర ప్రాంతాల్లో పోలీసులు నిషేదాజ్ఞలు విధించారు. తాము సోమవారం బంద్‌కు పిలుపునివ్వలేదని, ప్రజలే స్వచ్ఛదంగా బంద్ పాటించారని మజ్లీస్ ప్రధాన కార్యదర్శి అహ్మద్ పాషా ఖాద్రీ చెప్పారు. మెదక్ జిల్లా మాజీ కలెక్టర్‌పై దాడి చేశారనే ఆరోపణపై అసదుద్దీన్‌ను పోలీసులు అరెస్టు చేసిన విషయం తెలిసిందే.

    ఇదిలావుంటే, అక్బరుద్దీన్‌ను ద్వేషపూరిత ప్రసంగం కేసులో పోలీసులు సోమవారం ఆదిలాబాద్ జిల్లా నిర్మల్ కోర్టులో ప్రవేశపెట్టారు. అక్బరుద్దీన్‌ జ్యుడిషియల్ కస్టడీని వచ్చేనెల 5వ తేదీ వరకు పొడగిస్తూ కోర్టు ఆదేశాలు జారీ చేసింది.

    English summary
    A shutdown is being observed here and in some other parts of Andhra Pradesh on Tuesday to protest Majlis-e-Ittehadul Muslimeen (MIM) chief and Hyderabad MP Asaduddin Owaisi's arrest in a seven-year-old case.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more