• search
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

తీహార్ జైలులో అఫ్జల్ గురుకు ఉరి, కాశ్మీర్‌లో కర్ఫ్యూ

By Pratap
|
Afzal Guru
న్యూఢిల్లీ: పార్లమెంటుపై దాడి కేసులో అఫ్జల్ గురును ఉరితీసినట్లు వార్తలు వస్తున్నాయి. శనివారం తెల్లవారు జామున తీహార్ జైలులో అతన్ని ఉరితీసినట్లు టీవీ చానల్ వార్తలను బట్టి తెలుస్తోంది. శనివారం ఉదయం అఫ్జల్ గురును ఉరితీసినట్లు వార్తలు వచ్చాయి. తీహార్ జైలు పరిసర ప్రాంతాల్లో కూడా కర్ఫ్యూ విధించారు. ఉరిశిక్ష అమలు జరిగిన విషయాన్ని కేంద్రం హోం మత్రి సుశీల్ కుమార్ షిండే నిర్ధారించారు. అఫ్జల్ గురుకు ఉదయం 8 గంటలకు ఉరిశిక్ష విధించినట్లు ఆయన చెప్పారు.

పార్లమెంటుపై దాడి కేసులో దోషి అఫ్జల్ గురు మెర్సీ పిటిషన్‌ను రాష్ట్రపతి ప్రణబ్ ముఖర్జీ తిరస్కరించినట్లు వార్తలు వచ్చాయి. 2001లో పార్లమెంటుపై దాడి కేసులో అతనికి ఉరిశిక్ష పడింది. మెర్సీ పిటిషన్‌ను రాష్ట్రపతి తిరస్కరించడంతో అఫ్జల్ గురుకు త్వరలో ఉరిశిక్షను అమలు చేసినట్లు తెలుస్తోంది.

అఫ్జల్ గురుకు 2004లో సుప్రీంకోర్టు మరణశిక్ష విధించింది. అతనికి 2006లోనే ఉరి శిక్షను అమలు చేయాలని అనుకున్నారు. అయితే, అతని భార్య మెర్సీ పిటిషన్ దాఖలు చేయడంతో అది ఇంతకాలం ఆగింది. తాను మెర్సి పిటిషన్‌ను తిరస్కరించిన విషయాన్ని రాష్ట్రపతి హోం మంత్రిత్వ శాఖకు తెలియజేశారు. 2001 డిసెంబర్‌లో ఐదుగురు సాయుధులు పార్లమెంటు ఆవరణలోకి ప్రవేశించి, కాల్పులు జరిపారు.

పార్లమెంటుపై దాడిలో ఏడుగురు మరణించారు. మృతుల్లో ఎక్కువ మంది భద్రతా బలగాలకు చెందినవారే. ఉగ్రవాదులను కాల్చి చంపారు. పార్లమెంటు ఉభయ సభలు వాయిదా పడిన కొద్దిసేపటికే ఉగ్రవాదులు దాడికి ఒడిగట్టారు. ఆ సమయంలో పార్లమెంటు సభ్యులు లోపలే ఉన్నారు. ఆ తర్వాత కొద్దిరోజులకు అఫ్జల్ గురును అరెస్టు చేశారు.

ముంబై ఉగ్రవాదుల దాడి కేసులో అజ్మల్ కసబ్‌కు ఇటీవలే ఉరిశిక్ష అమలైంది. అఫ్జల్ గురుకు ఉరిశిక్షను అమలు చేయడంలో జరుగుతున్న జాప్యంపై ప్రతిపక్ష బిజెపి అప్పటి నుంచి ప్రశ్నిస్తూ వస్తోంది. గత నెల 23వ తేదీననే అఫ్జల్ గురు క్షమాభిక్ష పిటిషన్‌ను రాష్ట్రపతి తిరస్కరించినట్లు తెలుస్తోంది. అఫ్జల్ గురు జమ్మూ కాశ్మిర్‌లోని బారాముల్లాకు చెందినవాడు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Terrorst Afzal Guru's mercy petition has been rejected. He is set to be hanged soon.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more