• search

హైదరాబాద్ పేలుళ్లు: ఎవరీ ఉగ్రవాది రియాజ్ భత్కల్?

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Riyaz Bhatkal
    హైదరాబాద్: హైదరాబాదులోని ఉగ్రవాద కార్యకలాపాలన్ని రియాజ్ భత్కల్ అనే ఉగ్రవాది కనుసన్నల్లోనే జరుగుతున్నట్లు పలు సందర్భాల్లో ఇప్పటికే హెచ్చరికలు జారీ అయ్యాయి. ఎన్ఐఏ పోలీసులకు మోస్ట్ వాంటెడ్‌గా ఉన్న రియాజ్ కోసం పోలీసులు గాలిస్తున్నారు. రియాజ్ భత్కల్ అలియాస్ షా రియాజ్ అహ్మద్ మహమ్మద్ ఇస్మాయిల్ షహ్మందారి కర్ణాటకలోని మంగళూరు జిల్లా భత్కల్‌లో 1976లో జన్మించాడు.

    రియాజ్ నిషేధిత 'సిమి' సంస్థలో కొంతకాలం పనిచేశాడు. ఆ తర్వాత దుబాయ్‌కు వెళ్లి, అక్కడినుంచి పాకిస్థాన్‌కు చేరాడు. ఇండియన్ ముజాహిదీన్ ఉగ్రవాద సంస్థలో చేరి అగ్రస్థాయికి ఎదిగాడు. భారత్‌లో పలు నగరాల్లో జరిగిన బాంబు పేలుళ్లకు ప్రణాళికలు రచించింది రియాజేనని చెబుతారు. 2010లో పుణెలో జరిగిన జర్మన్ బేకరీ పేలుళ్లు, 2011లో జరిగిన ముంబై పేలుళ్లలో రియాజ్ ప్రత్యక్షంగా పాల్గొన్నట్లు సమాచారం.

    హైదరాబాదులోని దిల్‌సుఖ్‌నగర్ పేలుళ్లలో రియాజ్ నేరుగా పాల్గొన్నాడా లేక అతని అనుచరులు ఆపరేషన్‌లో పాల్గొన్నారా అనేది విచారణలో తేలాల్సి ఉంది. అయితే, హైదరాబాదులోని దిల్‌షుక్ నగర్ బాంబు పేలుళ్ల సూత్రధారిగా రియాజ్‌నే అనుమానిస్తున్నారు.

    గతంలో బెంగళూరులో జరిగిన వరుస బాంబు పేలుళ్ల అనంతరం సెంట్రల్ క్రైం బ్రాంచ్ (సిసిబి) పోలీసులు 2012 ఆగస్టులో ఆంధ్రప్రదేశ్, మహారాష్ట్ర, కర్ణాటకల్లో దర్యాప్తు జరిపి 25 మందిపై కేసులు నమోదు చేశారు. ఆ కేసులో 15 మందిని అరెస్ట్ చేశారు. మరో పదిమంది కోసం గాలింపు కొనసాగుతోంది. అరెస్టు చేసిన వారిలో 12 మందిపై ఎన్ఐఏ వర్గాలు బుధవారం చార్జిషీటు దాఖలు చేశాయి. దీంతో పాటు కేంద్ర హోం శాఖకు ఒక నోట్ సమర్పించారు.

    ఎన్ఐఏకు ఇంకా దొరకని వారిలో కరడుగట్టిన ఉగ్రవాది, కర్ణాటకకు చెందిన రియాజ్ భత్కల్ కూడా ఉన్నాడు. హైదరాబాద్ పేలుళ్ల వెనుక ప్రణాళిక రియాజ్‌దేననే అనుమానాలు వ్యక్తమవుతున్నాయి. చార్జిషీట్ దాఖలైన పన్నెండు మంది ఉగ్రవాదులు లష్కరే తాయిబా, హుజి సంస్థలకు చెందినవారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    It is suspected that terrorist Riaz Bathkal may played main role in the bomb blasts took place at Dilsukhnagar of Hyderabad. Riaz belongs to Mangalore of Karnataka.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more