• search

మోడీకి వార్టన్ నో: రద్దు చేసుకున్న 'సేన' నేత, వ్యాపారి

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Narendra Modi
    ముంబై/వాషింగ్టన్: గుజరాత్ ముఖ్యమంత్రి నరేంద్ర మోడి ప్రసంగాన్ని వార్టన్ ఇండియా ఎకనామిక్ ఫోరం రద్దు చేయడంపై శివసేన పార్టీ నేత సురేష్ ప్రభు అసంతృప్తి వ్యక్తం చేశారు. మోడీ ప్రసంగాన్ని రద్దు చేయడంతో తీవ్ర అసంతృప్తికి లోనైన ప్రభు తన పర్యటనను కూడా రద్దు చేసుకున్నారు. ప్రముఖ వ్యాపారవేత్త గౌతమ్ అదానీ కూడా అదే దారిలో నడిచారు. మోడీ ప్రసంగాన్ని రద్దు చేయడం సరికాదని వారు అభిప్రాయపడ్డారు.

    కాగా, గుజరాత్ ముఖ్యమంత్రి నరేంద్ర మోడీకి ఎదురు ఆదివారం ఎదురు దెబ్బ తగిలింది. ఆయన అభివృద్ధి మంత్రానికి మంత్రముగ్ధురాలైన అమెరికా... ఆయనపై విధించిన నిషేధాన్ని ఎత్తివేసే దిశగా చర్యలు తీసుకుంటోందని కథనాలు వస్తున్న సమయంలో వీడియో కాన్ఫరెన్స్ ద్వారా జరిగే ఆయన ప్రసంగాన్నే రద్దు చేసిందో అమెరికా విశ్వవిద్యాలయం.

    అమెరికాలోని ప్రతిష్ఠాత్మక వార్టన్ ఇండియా ఎకనమిక్ ఫోరంలో ఈ నెలాఖరులో నరేంద్ర మోడీ కీలక ప్రసంగం చేయాల్సి ఉంది. అయితే, వివిధ ఒత్తిళ్లతో ఫోరం ఆయన ప్రసంగాన్ని రద్దు చేసింది. ఎటువంటి రాజకీయ భావనలకు మేం మద్దతు ఇవ్వమని, ఎటువంటి సిద్ధాంతాలను తాము ఆమోదించమని, భారత్ అభివృద్ధిపై చర్చ జరపడమే తమ ధ్యేయమని, ప్రస్తుతానికి అయితే, మోడీ ప్రసంగాన్ని రద్దు చేశామని వార్టన్ ఓ ప్రకటనలో తెలిపింది.

    మోడిపై మండిపాటు

    ప్రధానమంత్రి మన్మోహన్ సింగ్, ఏఐసిసి అధ్యక్షురాలు సోనియా గాంధీ కుటుంబంపై మోడీ చేసిన వ్యాఖ్యలను ఆంధ్రప్రదేశ్ రాష్ట్ర కాంగ్రెసు నేతలు ఖండించారు. ప్రధాని కావాలనే అధికార దాహంతో మోడి అవాకులు, చవాకులు మాట్లాడారని పొంగులేటి సుధాకర్ రెడ్డి, రుద్రరాజు పద్మరాజులు విమర్శించారు.

    English summary
    Shiv Sena leader Suresh Prabhu on Monday said he has cancelled his visit to Wharton "as a mark of protest" against the cancellation of Gujarat chief minister Narendra Modi's keynote address at the Wharton India Economic Forum.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more