• search
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

తేల్చని జూనియర్ ఎన్టీఆర్: బాలయ్య డైలమా

By Pratap
|
Balakrishna - Jr NTR
హైదరాబాద్: వైయస్సార్ కాంగ్రెసు పార్టీ నాయకులు తన ఫ్లెక్సీలను వాడుకునే విషయంపై జూనియర్ ఎన్టీఆర్ స్పష్టత ఇవ్వకపోవడంతో నందమూరి హీరో, తెలుగుదేశం పార్టీ నాయకుడు బాలయ్య చిక్కుల్లో పడ్డారని అంటున్నారు. తాను తెలుగుదేశం పార్టీలో ఉంటానని, ఇతర పార్టీలకు మద్దతు ఇవ్వనని జూనియర్ ఎన్టీఆర్ చెప్పారే తప్ప తన బొమ్మలను ఇతర పార్టీల నాయకులు వాడుకోకూడదని స్పష్టత ఇవ్వలేదు. జూనియర్ ఎన్టీఆర్ ఖండించకపోతే తీవ్ర పరిణామాలు ఎదుర్కోవాల్సి ఉంటుందని చేసిన ప్రకటన బాలయ్యకే ఎదురు తిరిగినట్లు కనిపిస్తోంది.

తన తాతగారు స్థాపించిన తెలుగుదేశం పార్టీలో ఉంటానని జూనియర్ ఎన్టీఆర్ చెప్పారు. కానీ, బాలకృష్ణతో గానీ, తెలుగుదేశం పార్టీ అధ్యక్షుడు నారా చంద్రబాబు నాయుడితో గానీ కలిసి ఉంటానని, వారికి మద్దతు ఇస్తానని ఆయన చెప్పలేదు. పైగా, తనను వివాదాల్లోకి లాగవద్దని కోరుతూ వివాదం నుంచి అత్యంత చాకచక్యంగా జూనియర్ ఎన్టీఆర్ తప్పుకున్నారని అంటున్నారు.

తన తాతగారు ఎన్టీ రామారావుకు ఉన్నట్లుగానే, తనకు కూడా అన్ని పార్టీల్లో అభిమానులు ఉన్నారని చెప్పడానికి తగిన ప్రాతిపదికను కూడా ఆయన సిద్ధం చేసుకున్నారని అంటున్నారు. రాజకీయాలను పట్టించుకోవడం లేదని కూడా ఆయన అనవచ్చు. తాను సినిమాల్లో బిజీగా ఉన్నానని, తనకు సినిమాలే ముఖ్యమని చెప్పి తప్పుకునే అవకాశం కూడా జూనియర్ ఎన్టీఆర్‌కు ఉంది.

దానికి తగిన ప్రాతిపదికను తన ప్రకటన ద్వారా తండ్రి హరికృష్ణ ప్రకటన తయారు చేసి పెట్టిందని అంటున్నారు. సీనియర్ ఎన్టీఆర్ ఫొటోను పెట్టుకుంటే తీసేయాలని అడగడం ఏం వ్యభిచారమని హరికృష్ణ ఘాటుగా అడిగారు. ఇది బాలకృష్ణకు నేరుగా తగిలేలా ఉందని అంటున్నారు. సీనియర్ ఎన్టీఆర్ ఫొటోను అభిమానులు పెట్టుకున్నట్లే జూనియర్ ఎన్టీఆర్ ఫొటోను కూడా పెట్టుకుంటే తప్పేమిటనే వాదన ముందుకు వచ్చే అవకాశం ఉంది.

నందమూరి కుటుంబంలో అంతా ఒక్కటై బాలకృష్ణను వ్యతిరేకిస్తున్న సూచనలు కనిపిస్తున్నాయి. కేంద్ర మంత్రి, కాంగ్రెసు నాయకురాలు దగ్గుబాటి పురంధేశ్వరి వ్యాఖ్యలు కూడా హరికృష్ణ వ్యాఖ్యల మాదిరిగానే ఉన్నాయి. ఫొటోల వాడకంపై తెలుగుదేశం పార్టీ గుత్తాధిపత్యం లేదని చెప్పేందుకు వారిద్దరు ప్రయత్నించినట్లు చెప్పుకోవచ్చు. తెలుగు ప్రజల ఆరాధ్యదైవంగా విలసిల్లిన ఎన్టీ రామారావు బొమ్మలను ఎవరైనా పెట్టుకుంటారని అంటున్నారు.

బాలకృష్ణ హెచ్చరికను పరిగణనలోకి తీసుకున్నట్లే తీసుకుని మాట్లాడిన జూనియర్ ఎన్టీఆర్ వివాదం సద్దుమణగడానికి అవసరమైన ప్రకటన మాత్రం చేయలేదు. తన బొమ్మను వైయస్సార్ కాంగ్రెసు పార్టీ వాడుకోవద్దని జూనియర్ ఎన్టీఆర్ గట్టిగా చెప్పాలనేది బాలకృష్ణ ఉద్దేశ్యం. తన ఫొటోల వాడకంపై తనకు ఏ విధమైన సంబంధం లేదని, అభిమానులు వాడుకుంటే తాను ఎలా కాదనగలనని వాదించేందుకు అనువైన విధంగా జూనియర్ ఎన్టీఆర్ ప్రకటన ఉంది.

కర్ర విరగకుండా పాము చావకుండా జూనియర్ ఎన్టీఆర్ ప్రకటన చేయడంతో అయోమయం యధావిధిగా కొనసాగే అవకాశాలున్నాయి. పైగా, జూనియర్ ఎన్టీఆర్ నుంచి సీనియర్ ఎన్టీ రామారావు బొమ్మలకు మాత్రమే పరిమితం కాకుండా హరికృష్ణ బొమ్మలను వాడుకోవడం దాకా వ్యవహారం వచ్చింది. ఇది తెలుగుదేశం పార్టీకి పరిష్కరించడానికి కష్టమైన కార్యమే.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

lok-sabha-home

English summary
Though Jr NTR made a statement on his cimmitment to Telugudesam partym he has not cleared the controversy created by YS Jagan's YSR Congress party by using his images.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more