• search

రాష్ట్ర బంద్: నారాయణ, రాఘవులు అరెస్ట్

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Narayana - Raghavulu
    హైదరాబాద్: విద్యుత్ సమస్యలపై విపక్షాలు ఇచ్చిన బంద్ పాక్షికంగా జరుగుతోంది. మంగళవారం వేకువ జామునుండే వామపక్షాలు ఆయా జిల్లాల్లో ఆందోళనను ప్రారంభించాయి. సిపిఐ రాష్ట్ర కార్యదర్శి నారాయణ, సిపిఎం రాష్ట్ర కార్యదర్శి రాఘవులులతో పాటు ఆయా పార్టీలకు చెందిన పలువురు కార్యకర్తలు హైదరాబాదులోని మహాత్మా గాంధీ బస్ స్టేషన్ వద్ద తెల్లవారుజాము నుండే ధర్నాలో పాల్గొన్నారు.

    బస్సులను బయటకు రానీయకుండా వారు అడ్డుకున్నారు. దీంతో పోలీసులు రాఘవులు, నారాయణలతో పాటు పలువురు కార్యకర్తలను అదుపులోకి తీసుకున్నారు. వారిని సమీప పోలీసు స్టేషన్‌కు తరలించారు. రాష్ట్రంలోని విజయవాడ, విశాఖపట్నం, వరంగల్ తదితర ముఖ్య పట్టణాలలో బంద్ కొనసాగుతోంది. సిపిఐ, సిపిఎం కార్యకర్తలు ఉదయమే విజయవాడ నెహ్రూ బస్ స్టేషన్ వద్ద బస్సులను అడ్డుకున్నారు.

    ప్రభుత్వానికి వ్యతిరేకంగా నినాదాలు చేశారు. పెంచిన ఛార్జీలను తగ్గించే వరకు వెనక్కి తగ్గే ప్రసక్తి లేదన్నారు. అనంతపురం బస్టాండు వద్ద తెలుగుదేశం పార్టీ కార్యకర్తలు బైఠాయించారు. బస్సులను అడ్డుకున్నారు. కర్నూలు జిల్లాలో ఆందోళన కొనసాగుతోంది. హైదరాబాదుతో పాటు రాష్ట్రంలోని పలు బస్సు డిపోల నుండి ఆందోళన కారణంగా బస్సులు బయటకు రాలేదు. తెలుగుదేశం పార్టీ అధ్యక్షుడు నారా చంద్రబాబు నాయుడు తూర్పు గోదావరి జిల్లాలో బందులో పాల్గొన్నారు.

    హింసకు పాల్పడితే చర్యలు: డిజిపి

    బంద్ సందర్భంగా హింసాత్మక సంఘటనలకు పాల్పడేవారిపై చట్టరీత్యా చర్యలు తప్పవని డిజిపి దినేష్ రెడ్డి హెచ్చరించారు. బంద్ నేపథ్యంలో సోమవారం ఆయన తన కార్యాలయంలో ఉన్నతాధికారులతో సమీక్ష సమావేశం నిర్వహించారు. సోమవారం రాత్రి నుంచే బందోబస్తు ఏర్పాటు చేయాలని జిల్లా ఎస్పీలను డీజీపీ ఆదేశించారు. విద్యార్థుల పరీక్షలకు ఇబ్బందులు కలగకుండా, ఆర్టీసీ బస్సులు, ప్రభుత్వ ఆస్తులపై ఆందోళనకారులు దాడులకు పాల్పడకుండా చర్యలు తీసుకోవాలని అధికారులను ఆదేశించారు.

    English summary
    
 CPI state secretary Narayana and CPM state secretary Raghavulu were arrested by Hyderabad police on Tuesday morning at Mahathma Gandhi bus depot.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more