పెళ్లికి వచ్చిన చిన్నారిపై రేప్: డాన్సర్ల అశ్లీల నృత్యాలు

By Srinivas

Published: Sunday, May 5, 2013, 12:42 [IST]

ముంబై: పెళ్లి వేడుకకు హాజరయ్యేందుకు తల్లిదండ్రులతో కలిసి వచ్చిన ఓ చిన్నారిపై కామాంధుడు అఘాయిత్యానికి పాల్పడ్డాడు. మహారాష్ట్రలోని నాగ్‌పూర్‌లో జరిగిన ఈ ఘటన వివరాలను పోలీసులు శనివారం వెల్లడించారు. ఫంక్షన్ హాల్‌లోని పై అంతస్థులో రాకేష్ (27) పని చేస్తుంటాడు. శుక్రవారం ఓ పెళ్లి సందర్భంగా వచ్చిన ఆరేళ్ల చిన్నారిని ఐస్ క్రీం ఆశ చూపి ఎత్తుకెళ్లి అత్యాచారానికి పాల్పడ్డాడు. కాసేపటికి మెట్లపై పాప ఏడుస్తూ ఉండడాన్ని గమనించిన తల్లిదండ్రులు విషయం తెలుసుకుని పోలీసులకు ఫిర్యాదు చేశారు.

సిసిటీవీ ఫూటేజ్ ద్వారా నిందితుడిని గుర్తించారు. పలు తనిఖీల అనంతరం నాగ్‌పూర్ - జబల్‌పూర్ జాతీయ రహదారిపై అతడిని అరెస్ట్ చేశారు. విచారణలో తన తప్పును అంగీకరించాడు. నిందితుడిపై కేసు నమోదు చేశారు. రాజస్థాన్‌లో జరిగిన మరో ఘటనలో రేప్ నుంచి తప్పించుకోబోయిన మహిళ (23) కామాంధుడి చేతిలో సజీవ దహనమైంది. హనుమాన్‌గఢ్ జిల్లాలో శుక్రవారం అర్థరాత్రి ఈ ఘటన జరిగిందని పోలీసులు తెలిపారు.

భర్త ఫామ్‌లో ఉద్యోగానికి వెళ్లగా తన నాలుగేళ్ల కుమారుడితో నిద్రిస్తున్న మహిళపై జీతూ అనే వ్యక్తి అత్యాచారానికి యత్నించాడన్నారు. ఆమె తప్పించుకునే యత్నంలో భాగంగా గట్టిగా అరవడంతో.. జీతూ ఆమెపై కిరోసిన్ పోసి అంటించాడన్నారు. విషయం తెలుసుకున్న భర్త వెంటనే ఇంటికి వచ్చి తన భార్యను కాపాడేందుకు యత్నించి, తానూ గాయాలపాలయ్యాడు. బాధితురాలు ఆస్పత్రిలో చికిత్స పొందుతూ మృతి చెందింది.

అశ్లీల నృత్యాలు

జాతర ముసుగులో డాన్స్ బేబీ డాన్స్ పేరుతో మద్యం మత్తులో డాన్సర్ల నగ్న, అర్దనగ్న నృత్యాలు జోరుగా కొనసాగుతున్నాయి. పశ్చిమ గోదావరి జిల్లాలో ఇది సాగుతోంది. ఆలయ ప్రాంగణంలో రికార్డింగు డాన్సులకు తెరలేపారు.

Published On May 5, 2013