Palnadu: సీసీ రోడ్డు పైనే గోడ కట్టేశాడు.. ఎందకంటే..!
సాధారణంగా చాలా మందికి పక్కింటివారితోనో లేక ఎదురింటి వారితోనో గొడవలు జరుగుతుంటాయి. చెత్త బయటకు వెస్తున్నారనో లేక మురికి నీరు వస్తుందనో లేక బండ్లు అడ్డం పెడుతున్నారనో చిన్న చిన్న గొడవలు జరుగుతుంటాయి. ఈ చిన్న చిన్న గొడవలకు వారు మాట్లాడుకోకపోవడం చేస్తుంటారు. లేకుంటే వారు కనిపించకుండా తలుపులు వేసుకుంటారు.
కానీ ఓ చోట ఎదురింటి వారితో గొడవకు దిగిన ఓ వ్యక్తి సీసీ రోడ్డుపై ఏకంగా గోడ కట్టేశాడు. ఈ ఘటన ఆంధ్రప్రదేశ్ లో చోటుచేసుకుంది. ఏపీలోని పల్నాడు జిల్లా శావల్యాపురం మండలం కారుమంచికి చెందిన కిలారు చంద్ర శేఖర్, కిలారు లక్ష్మీ నారాయణ ఇళ్లు ఎదురెదురుగా ఉంటాయి. వీరిద్దరికి గత కొన్ని రోజులుగా గొడవ జరుగుతోంది. ఈ గొడవ కాస్త పంచాయతీ వరకు వెళ్లింది.
ఊరి పెద్ద మనుషుల దగ్గర పంచాయతీ కూడా నిర్వహించారు. ఇటీవల ఈ గొడవలు కాస్త పెద్దవయ్యాయి. ఇటీవల చంద్రశేఖర్ తన ఇంటి ముందు మురికి కాలువపై మెట్టు కట్టడంతో లక్ష్మీనారాయణ ఏకంగా తన ఇంటి ముందున్న సీసీరోడ్డు మధ్యలో గోడ కట్టేశాడు. ఈ విషయంపై పంచాయతీ అధికారులకు చెప్పినా పట్టించుకోలేదని చంద్రశేఖర్ ఆవేదన వ్యక్తం చేస్తున్నాడు.గొడవలు జరిగితే పంచాయతీ పెట్టి మాట్లాడుకోవాలి కానీ.. ఇలా రోడ్డుపై రోడ్డు వేయడం ఏంటని గ్రామస్థులు ఆశ్చర్యం వ్యక్తం చేస్తున్నారు.
Click it and Unblock the Notifications
Sign in with Google