బాలికపై వృద్ధుడి లైంగిక దాడి: మరో ఘటనలో..
తిరుమలగిరిలోని పెద్ద కమేళాలో నివాసం ఉంటున్న వృద్ధుడు తన ఇంటిపక్కనే ఉండే బాలికపై కన్నేశాడు. బాలిక తల్లిదండ్రులు ఉద్యోగం నిమిత్తం ఇంటి నుంచి వెళ్లిపోయిన సమయంలో ఆ బాలికకు చాక్లెట్ ఇస్తానని ఆశ చూపి అతని ఇంట్లోకి తీసుకెళ్లి లైంగిక దాడికి పాల్పడ్డాడు. ఈ విషయాన్ని బయటికి చెబితే చంపేస్తానని బాలికను బెదిరింపులకు గురి చేశాడు.
నిందితుని బెదిరింపులకు తనలో దాచుకున్న విషయాన్ని, ఆ బాలిక ఎనిమిదిరోజుల తర్వాత తన తల్లిదండ్రులకు తెలిపింది. దీంతో తీవ్ర ఆందోళనకు గురైన బాలిక కుటుంబ సభ్యులు పోలీసులను ఆశ్రయించారు. కేసు నమోదు చేసుకున్న పోలీసులు నిందితుడిని అరెస్ట్ చేశారు.
ప్రేమించలేదని బాలికపై కిరోసిన్ దాడి
తూ.గో: తూర్పు గోదావరి జిల్లాలోని పిఠాపురంలో తన ప్రేమను అంగీకరించలేదనే కోపంతో ఓ యువకుడు తన ప్రియురాలైన బాలికపై కిరోసిన్ పోసి నిప్పటించాడు. పిఠాపురంలోని వేణుగోపాలస్వామి గుడివీధిలో నివసిస్తున్న బాలికపై ఆ యువకుడు కిరోసిన్ పోసి నిప్పంటించి పరారయ్యాడు. అది గమనించిన స్థానికులు వెంటనే బాలికను ఆస్పత్రికి తరలించారు.
దాడిలో తీవ్రగాయాలు కావడంతో మెరుగైన చికిత్స కోసం బాలికను కాకినాడ ప్రభుత్వ ఆస్పత్రిలో చేర్పించారు. గత కొంతకాలంగా ఆ యువకుడు బాలికను వేధిస్తున్నట్లు సమాచారం. దీంతో కుటుంబ సభ్యులు ఆ బాలికను పాఠశాల మాన్పించి వేరే యువకునితో వివాహం చేసేందుకు నిర్ణయించినట్లు తెలిసింది.
Click it and Unblock the Notifications
Sign in with Google