• search
For Quick Alerts
ALLOW NOTIFICATIONS  
For Daily Alerts

    తిరుమలలో అందుబాటులోకి రానున్న మరో అథ్భుత మార్గం

    By Suvarnaraju
    |

    తిరుమల:వెంకటేశ్వరస్వామి భక్తులు తిరుమల ఏడు కొండల స్వామి దర్శనం ఎంతో అదృష్టంగా భావిస్తారు. అందుకు తగినట్లే తిరుమల యాత్ర కూడా అంతే మధురంగా పచ్చని ప్రకృతి ఒడిలో...సమున్నత శిఖరాల నడుమ...సొంపైన ఒంపులు తిరుగుతూ...ఆ దేవదేవుని వద్దకు చేర్చే ఆ ప్రయాణం జీవితంలో ప్రతి ఒక్కరికి మరపురాని మధురమైన జ్ఞాపకంగా నిలుస్తోంది.

    అయితే అలాంటి మధురమైన యాత్రను మరింత అథ్బుతంగా మార్చేందుకు టిటిడి సంకల్పించింది. ఇంతటి చక్కటి యాత్రలోనూ అప్పుడప్పుడు అపశ్రుతులకు కారణమవుతున్నకొండ చరియలు విరిగిపడే ప్రమాదాలకు ముగింపు పలికేందుకు నడుం బిగించింది. అందుకోసమే ఇప్పుడున్న లింకు దారికి ప్రత్యామ్నాయంగా మరో చక్కటి లింకు కనుమ రహదారి మార్గం అందుబాటులోకి తేనుంది.

    ప్రమాదాల నివారణ, వాహనాల రద్దీ తగ్గించే లక్ష్యంతో టిటిడి ఈ నూతన మార్గం నిర్మాణంపై దృష్టి సారించింది. తిరుమల-తిరుపతి మధ్య రాకపోకలు సాగించేందుకు రెండు కనుమ రహదారులున్న సంగతి తెలిసిందే. అయితే తిరుపతి నుంచి తిరుమలకు వెళ్లే రెండో కనుమ రహదారి చివర్లో రెండు కిలోమీటర్ల ప్రయాణం ప్రమాదకరంగా ఉంటుందనడంలో సందేహం లేదు. అక్కడ వర్షాకాలంలో భారీ కొండచరియలు విరిగి పడుతున్న సంఘటనలు తరుచూ చోటుచేసుకుంటున్నాయి.

    Another Beautiful way to get in Tirumala

    అయితే ఈ బండరాళ్లు కూలకుండా తితిదే రకరకాల ప్రయోగాలు చేసినా అవేమీ ఫలప్రదం కాలేదు. దీంతో టిటిడి ప్రత్యామ్నాయ మార్గంపై దృష్టి సారించక తప్పలేదు. ఆ క్రమంలో మరో లింకు కనుమ మార్గం నిర్మాణమే దీనికి అత్యత్తమ పరిష్కారమని భావించిన టిటిడి ఆ బాధ్యతను దిగ్గజ నిర్మాణ సంస్థ ఎల్‌అండ్‌టీకి అప్పగించింది. ప్రస్తుతం రెండు కనుమ రహదారులను కలుపుతూ మోకాళ్లమిట్ట నుంచి లింకు రోడ్డు ఉన్న సంగతి తెలిసిందే. అయితే ఇక్కడి నుంచి తిరుమల ముఖద్వారం జీఎన్‌సీ టోల్‌గేటు వరకు 3 కి.మీ మేరా మరో రహదారి వేయొచ్చని ఇప్పటికే నిపుణులు తేల్చినట్లు సమాచారం.

    అనుకున్నట్లుగా ఈ నిర్మాణం పూర్తయి ఆ దారి అందుబాటులోకి వస్తే భవిష్యత్తులో భక్తులకు అనేక సమస్యలు రాకుండా నివారించవచ్చని టిటిడి భావిస్తోంది. అలాగే దీంతో పాటే మోకాళ్లమిట్ట వద్ద భక్తులు కాలినడకన రాకపోకలు సాగించేందుకు వీలుగా మరొక సొరంగం నిర్మించవచ్చని భావిస్తున్నారట.అ యితే మారిన కాలానికి అనుగుణంగా ఈ రహదారిని అత్యాధునిక సాంకేతికత మేళవింపుతో అందమైన మార్గంగా తీర్చిదిద్దాలని టిటిడి పట్టుదలతో ఉందట. అందుకే నూతన రహదారి నిర్మాణానికి ఆకృతులు, ప్రతిపాదనలు తయారు చేసే బాధ్యతలను ఎల్‌అండ్‌టీకి అప్పగించాలని టిటిడి నిర్ణయించిందని, ఆప్రక్రియ ముమ్మరంగా సాగుతోందని తిరుమల జేఈవో శ్రీనివాసరాజు వెల్లడించారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    TTD is planning to build an alternative route on the Thirumala Hill way. Tirumala JEO Srinivasa Raju said that TTD decide to handover this project to L & T Company.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more