నటిగా రాణించా, రాజకీయాల్లో కాలేదు: శారద

హైదరాబాద్: తాను కుళ్లు రాజకీయాలలో ఇమడలేకపోయానని నటి ఊర్వశి శారద అన్నారు. నటిగా ప్రేక్షకులందరినీ తాను మెప్పించగలిగానని కానీ, రాజకీయాలలో మాత్రం రాణించలేకపోయానని చెప్పారు. నటనకు స్వస్తీ చెప్పిన తాను ప్రస్తుతం తమిళనాడులోని చెన్నైలో ఉంటున్నానని చెప్పారు.

నటీనటులకు రిటైర్మెంట్ లేదని, మంచి పాత్రలు వస్తే తాను మళ్లీ నటించేందుకు సిద్ధంగా ఉన్నానని చెప్పారు. ప్రస్తుతం సినిమా రంగం విలువలను కోల్పోయిందని ఆవేదన వ్యక్తం చేశారు. అర్థం పర్థం లేని డైలాగులు, డాన్సులు చూస్తుంటే సినిమాలంటేనే విరక్తి కలిగేలా చేస్తున్నాయన్నారు. కుటుంబ సభ్యులు కలిసి సినిమాలు చూసే రోజులు పోయాయన్నారు.

కాగా, 1945లో గుంటూరు జిల్లా తెనాలిలో పుట్టిన శారద తెలుగులో ఊర్వశి శారదగా పేరుగాంచింది. ఆమె తెలుగుదేశం పార్టీలో పని చేశారు. లోకసభకు ప్రాతనిథ్యం వహించారు.

శారద 1968లో తులాభారంలో, 1927లో స్వయంవరంలో, 1977లో నిమజ్జనంలో నటించి జాతీయ అవార్డులు దక్కించుకున్నారు. 1979లో కేరళ స్టేట్ ఫిల్మ్ ఫేర్ అవార్డును ఇచ్చింది. 2010లో ఎన్టీఆర్ నేషనల్ అవార్డు వచ్చింది.

English summary

Actress and former political leader Sharada on Friday responded on politics and her political career.