Trains: నరసాపురం, తిరుపతి, చర్లపల్లి ప్రయాణికులకు రైల్వే గుడ్ న్యూస్..!

వేసవి నేపథ్యంలో తెలుగు రాష్ట్రాల్లో ఉక్కపోత, వేడి అంతకంతకూ పెరుగుతోంది. రైళ్లలో ప్రయాణాలు చేయాలంటేనే జనం భయపడుతున్నారు. దీనికి కారణం రైళ్లలో ప్రయాణికుల రద్దీ. సెలవుల నేపథ్యంలో ప్రయాణాలు చేసే వారి సంఖ్య పెరుగుతోంది. ఈ నేపథ్యంలో దక్షిణ మధ్య రైల్వే ఇవాళ చర్లపల్లి(charlapalli), తిరుపతి (tirupati), నరసాపురం (narasapur)స్టేషన్ల మధ్య ప్రయాణాలు చేసే వారికి శుభవార్త చెప్పింది. కొన్ని ప్రత్యేక తేదీల్లో వీరి కోసం ప్రత్యేక రైళ్లను (special trains) నడుపుతోంది.

తిరుపతి నుంచి నరసాపురానికి ఈ నెల 19న ఆదివారం 07131 నంబర్ తో ప్రత్యేక రైలును నడుపుతున్నారు. అలాగే నరసాపురం-తిరుపతి మధ్య ఈ నెల 20న సోమవారం 07132 నంబర్ తో మరో ప్రత్యేక రైలును నడుపుతున్నారు. వీటితో పాటు చర్లపల్లి నుంచి నరసాపురానికి ఈ నెల 18న 07233 నంబర్ తో ఓ ప్రత్యేక రైలు నడుపుతున్నారు. అలాగే నరసాపురం-చర్లపల్లి మధ్య ఈ నెల 19న 07234 నంబర్ తో మరో ప్రత్యేక రైలు నడుపుతున్నారు.

ప్రయాణికుల రద్దీ తగ్గించడానికి ఈ ప్రత్యేక రైళ్లను నడుపుతున్నట్లు దక్షిణ మధ్య రైల్వే అధికారులు ప్రకటించారు. ఈ నాలుగు రైళ్లను నరసాపురం నుంచి ఈ వారాంతంలో తిరుపతి దర్శనానికి వెళ్లి, తిరిగి వచ్చే భక్తులు, అలాగే హైదరాబాద్ కు వెళ్లి తిరిగి రావాలనుకునే వారి కోసం ప్రత్యేకంగా నడుపుతున్నారు. ఈ రైళ్లలో ప్రత్యేక రైళ్ల ఛార్జీలు వర్తిస్తాయి. అలాగే దాదాపు అన్ని ఎక్స్ ప్రెస్ రైళ్ల తరహాలోనే స్టాప్ లు కూడా ఉంటాయి. టికెట్లు బుక్ చేసుకునే ముందు పూర్తి వివరాలు తెలుసుకుని ప్రయాణికులు బుక్ చేసుకోవాల్సి ఉంటుంది.