ఆటోనా, బ్యాగా? ధర వింటే షాక్
ఫ్రెంచ్ లగ్జరీ బ్రాండ్ లూయిస్ విట్టన్ (Louis Vuitton) ఇటీవల ఆటోరిక్షా ఆకారంలో ఉన్న హ్యాండ్బ్యాగ్ను విడుదల చేసింది. ఈ ప్రత్యేకమైన డిజైన్ కలిగిన హ్యాండ్బ్యాగ్ విడుదలైన వెంటనే ఆన్లైన్లో వైరల్ అయింది. దీని ధర దాదాపు 35 లక్షల రూపాయలు కావడంతో నెటిజన్లు ఆశ్చర్యం వ్యక్తం చేస్తున్నారు. ఉచితంగా ఇచ్చినా వారు దానిని ఉపయోగించరని వ్యాఖ్యానించారు.ప్రముఖ ఫ్యాషన్ బ్రాండ్ లూయిస్ విట్టన్ మెన్స్ (స్ప్రింగ్) సమ్మర్ 2026 కలెక్షన్లో ఈ బ్యాగ్ ఒక భాగం. ఈ హ్యాండ్బ్యాగ్ భారతీయ సాంస్కృతిక ప్రభావాలకు గుర్తింపునిచ్చేలా ఉంది.
లూయిస్ స్ విట్టన్ సిగ్నేచర్ మోనోగ్రామ్ కాన్వాస్లో రూపొందించిన ఈ బ్యాగ్, చక్రాలు మరియు తోలు హ్యాండిల్స్ను కలిగి ఉంది. ఈ బ్యాగ్ వీడియోను 'డైట్ పరాథా' (diet paratha) అనే ఇన్స్టాగ్రామ్ ఖాతాలో షేర్ చేయగా, అది వెంటనే చర్చకు దారితీసింది.
ఆటోరిక్షా బ్యాగ్ ధర
ఈ ఆటోరిక్షా బ్యాగ్ ధర 35 లక్షల రూపాయలు. ఈ డబ్బుతో బెంగళూరులో ఒక 1BHK ఫ్లాట్ కొనొచ్చు. ఈ బ్యాగ్ భారతదేశంలో చర్చనీయాంశంగా మారింది, ఎందుకంటే ఇది మన రోడ్ల మీద తిరిగే ఆటో రిక్షాలా ఉంది. బ్యాగ్ కు సంబంధించిన ప్రతి అంశం ఆటో రిక్షా చిన్న వెర్షన్లా కనిపిస్తుంది. రంగు, డిజైన్ , రూపం ప్రజలను ఆకర్షిస్తున్నాయి. సోషల్ మీడియాలో దీనిపై విభిన్న రకాల కామెంట్లు వస్తున్నాయి. దీనిని చూసిన ప్రజలు, "దీని కంటే నేరుగా ఆటోనే కొంటాను" అని అంటున్నారు.
రెండు ఆటోలు కొనొచ్చు
ఈ బ్యాగ్ ఫోటోలు సోషల్ మీడియాలో వైరల్ అయ్యాయి. ఒక నెటిజెన్ , "ఇంత డబ్బుతో నేను సెకండ్ హ్యాండ్ ఆటో కొంటాను, ఫ్యాన్సీ బ్యాగ్ వద్దు" అని అన్నారు. మరొకరు, "35 లక్షలతో రెండు ఆటోలు కొనొచ్చు. ఇంకా మిగిలిన డబ్బుతో ఫ్యామిలీ ట్రిప్కు వెళ్లొచ్చు" అని కామెంట్ చేశారు.
బ్యాగో లేదా ఆటో రిక్షానో?
మీరు లూయిస్ విట్టన్ మినీ ఆటో రిక్షా బ్యాగ్ను చూసినప్పుడు, బొమ్మను చూసినట్లు అనిపిస్తుంది. ఎవరికైనా దానిని చూసిన వెంటనే ఆటో రిక్షా గుర్తుకు వస్తుంది. బ్యాగ్ ముందు భాగాన్ని పారదర్శకంగా ఉంచారు. దీనికి టైర్లను కూడా అమర్చారు. అలాగే, మోనోగ్రామ్ ప్రింట్, 2 ఎల్లో కలర్ హ్యాండిల్స్ను జత చేశారు. ఇది బ్యాగ్కు పూర్తి రూపాన్ని ఇస్తుంది.
ధర 35 లక్షలు, ఎందుకింత ఖరీదు?
లూయిస్ విట్టన్ ఇంకా మినీ ఆటో రిక్షా బ్యాగ్ గురించి ఎటువంటి ప్రకటన చేయలేదు. బ్రాండ్ ధర గురించి కూడా ఏమీ చెప్పలేదు. కానీ, నివేదికల ప్రకారం, ఈ ఆటోరిక్షా బ్యాగ్ ధర 35 లక్షలు అని అంటున్నారు. ఇది నిజమైన ఆటో రిక్షా ధర కంటే దాదాపు 30 రెట్లు ఎక్కువ. లూయిస్ విట్టన్ వెబ్సైట్లో ఇతర బ్యాగ్ల ధరలు లక్షల్లో ఉన్నాయి.
నెటిజన్ల ట్రోల్స్
ప్రాడా కంపెనీ వారు కోల్హాపురి చెప్పులను విడుదల చేసిన కొన్ని రోజుల తర్వాత, లూయిస్ విట్టన్ బ్యాగ్ను చూసి ప్రజలు ట్రోల్ చేయడం మొదలుపెట్టారు. బ్యాగ్ డిజైన్తో పాటు, దాని ధర విని ప్రజలు ఆశ్చర్యపోతున్నారు.
ఇలాంటి విలాసవంతమైన, ఖరీదైన బ్యాగ్లు ప్రపంచవ్యాప్తంగా లభిస్తాయి. బాలీవుడ్ నటీమణులు కూడా బ్యాగ్లపై లక్షల రూపాయలు ఖర్చు చేస్తారు. మొత్తంమీద, లూయిస్ విట్టన్ ఈ విచిత్రమైన డిజైన్ ఆటో రిక్షా బ్యాగ్ సోషల్ మీడియాలో తీవ్ర చర్చకు దారితీసింది.
Click it and Unblock the Notifications
Sign in with Google