టాప్ సెల్లింగ్ మోడళ్లపై రేట్లు తగ్గించిన శాంసంగ్ ఎలక్ట్రానిక్స్

ముంబై: ప్రముఖ ఎలక్ట్రానిక్‌ ఉత్పత్తుల సంస్థ శాంసంగ్‌ ఎలక్ట్రానిక్స్ తమ కస్టమర్ల కోసం భారీ డిస్కౌంట్ల కానుకను ప్రకటించేసింది. తన టాప్‌ సెల్లింగ్‌ మోడల్‌ టీవీలపై డిస్కౌంట్‌లను అందిస్తోంది.

వివిధ మోడళ్ల టీవీలపై 5 నుంచి 15శాతం తగ్గింపు ధరల్లో ఆఫర్‌ చేస్తోంది.
ది ఎకనామిక్ టైమ్స్ కథనం ప్రకారం.. 32 - 43 అంగుళాల టీవీలపై రూ. 1,000 నుంచి రూ .2,500 వరకు ఈ తగ్గింపు ఉండనుంది.

75 ఇంచెస్‌ టీవీలపై రూ45వేల రూపాయల వరకు (15 శాతం) తగ్గింపును అందివ్వనుంది. టిసిఎల్, షావోమి బిపిఎల్, వూ, కోడాక్ మార్కెట్‌ ప్రత్యర్థులపోటీని అధిగమించేలా ఈ తగ్గింపు ధరలను వెల్లడించినట్లు తెలుస్తోంది..

అంతేగాక, రానున్న పండుగసీజన్‌లో క్యాష్‌బ్యాక్‌లు, ఇతర బహుమతులను వినియోగదారులకు అందించనున్నట్లు ప్రకటించింది. కాగా, శాంసంగ్ తన టెలివిజన్ సెట్లపై రేట్లు తగ్గించడం వరుసగా ఇది రెండవసారి కావడం గమనార్హం.

English summary

Shopping for a new TV? Here's some good news for you: Samsung Electronics has cut prices of its top-selling models by 5-15 per cent. According to The Economic Times The price reduction ranges from around Rs 1,000- Rs 2,500 in the 32 to 43 inch screen size segment - which accounts for 80 per cent of the television market by volume - to Rs 45,000 (15 per cent discount) for the 75-inch models.