health tips: థైరాయిడ్ సమస్యతో విపరీతంగా బరువు పెరిగారా? త్వరగా తగ్గాలంటే తీసుకోవాల్సిన ఆహారమిదే!!
ప్రస్తుతం సమాజంలో చాలామంది థైరాయిడ్ సమస్యతో ఇబ్బంది పడుతున్నారు. థైరాయిడ్ సమస్య వల్ల విపరీతంగా బరువు పెరుగుతూ, తద్వారా అనేక అనారోగ్యాలకు గురవుతున్నారు. హైపో థైరాయిడిజం బారినపడిన వారిలో బరువు పెరగడం ప్రధానంగా కనిపిస్తుంది. అలాంటి వారు బరువు తగ్గాలంటే ఆహారం విషయంలో జాగ్రత్త వహించాలని చెప్తున్నారు వైద్యులు.
హైపో థైరాయిడ్ లక్షణాలివే ..
హైపో థైరాయిడ్ రోగులలో అధిక బరువుతో పాటు ఎక్కువసేపు నీరసంగా కనిపించడం, వాతావరణానికి భిన్నంగా చలిగా అనిపించడం, చర్మం పొడిబారడం, జ్ఞాపకశక్తి తగ్గిపోవడం, కాన్సన్ట్రేషన్ సరిగా లేకపోవడం వంటి అనేక సమస్యలు వస్తాయి. ఇక ముఖ్యంగా అతిగా బరువు పెరగడం థైరాయిడ్ రోగులను తీవ్రమానసిక వేదనకు గురి చేస్తుంది. ఎంత ప్రయత్నం చేసినా థైరాయిడ్ రోగులలో బరువు అంత తొందరగా తగ్గదు. ఇక అధికంగా బరువు ఉన్నవారిలో కూడా థైరాయిడ్ సమస్యలు వచ్చే ప్రమాదం కనిపిస్తుంది.
థైరాయిడ్ రోగులలో బరువు తగ్గడానికి, ఆహారానిది ముఖ్యమైన పాత్ర
థైరాయిడ్ రోగులలో బరువు తగ్గడానికి, ఆహారం ముఖ్యమైన పాత్ర పోషిస్తుంది.మీరు బరువు తగ్గాలనుకుంటే, మీ ఆహారంలో ఆరోగ్యకరమైన ఆహారాన్ని జోడించడం, క్రమం తప్పకుండా వ్యాయామం చేయడం ముఖ్యం అని వైద్య నిపుణులు సూచిస్తున్నారు. అయినప్పటికీ, మీ థైరాయిడ్ గ్రంధి బరువు పెరగడంలో ముఖ్యమైన పాత్ర పోషిస్తుంది. కాబట్టి, బరువు తగ్గడానికి చాలా ఎక్కువ శ్రమ పడాల్సి వస్తుందని చెబుతున్నారు. థైరాయిడ్ సమస్యకు చికిత్స తీసుకోవడంతో పాటుగా రోజువారీ ఆహారంలో స్వల్ప మార్పులతో థైరాయిడ్ను నియంత్రణలో ఉంచుకోవచ్చని వైద్యులు సూచిస్తున్నారు.
అయోడిన్, ఫైబర్ ఉన్న ఆహారాలు తినాలి
హైపో థైరాయిడ్ వల్ల బరువు పెరిగిన వారు అయోడిన్ తీసుకోవడం మంచిదని వైద్యులు చెబుతున్నారు. అయోడిన్ అనేది శరీరంలోని థైరాయిడ్ పనితీరును నియంత్రించే ఖనిజం. కాబట్టి, అయోడిన్ అధికంగా ఉండే ఉప్పు, చేపలు, పాల ఉత్పత్తులు, గుడ్లు మొదలైన వాటిని మీ ఆహారంలో చేర్చుకుంటే మంచిదని సూచిస్తున్నారు వైద్యులు. మీ ఆహారంలో ఫైబర్-సమృద్ధిగా ఉన్న ఆహారాన్ని జోడించడం వల్ల మీ జీర్ణక్రియను మెరుగుపరచడంలో మీకు సహాయపడుతుంది. మీరు మీ రోజువారీ ఆహారంలో ఫైబర్ అధికంగా ఉండే పండ్లు, కూరగాయలు మరియు పప్పులను పుష్కలంగా చేర్చుకునేలా చూసుకోవాలి.
సెలీనియం, విటమిన్ డి అధికంగా ఉండే ఆహారాలు ముఖ్యమైనవి
ఇది థైరాయిడ్-స్టిమ్యులేటింగ్ హార్మోన్ (TSH) సక్రమంగా పని చేయడానికి సహాయపడే మరొక ఖనిజం సెలీనియం. బ్రెజిల్ నట్స్, సార్డిన్ చేపలు, గుడ్లు మరియు చిక్కుళ్ళు వంటి ఆహార పదార్థాలను థైరాయిడ్ బాధితులు తీసుకుంటే మంచిదని సూచిస్తున్నారు. ఇక ధైరాయిడ్ బారినపడిన వారు విటమిన్ డి లోపంతో కూడా ఇబ్బంది పడే అవకాశం ఉన్న కారణంగా విటమిన్ డి పుష్కలంగా ఉండే ఆహార పదార్థాలు తీసుకోవాలని సూచిస్తున్నారు. విటమిన్ డి లోపం బరువు పెరగడంతో అవినాభావ సంబంధం ఉన్నందున మీకు విటమిన్ డి అవసరం అని వైద్యులు సూచిస్తున్నారు. విటమిన్ డి అధికంగా ఉండే ఆహారాలలో గుడ్లు, కొవ్వు చేపలు, మాంసం, పుట్టగొడుగులు ఉన్నాయి.
రాగి మరియు ఒమేగా-3 పుష్కలంగా ఉండే ఆహారాలు ముఖ్యం
మీరు థైరాయిడ్తో బరువు తగ్గించే చిట్కాల కోసం చూస్తున్నట్లయితే, రాగి మరియు ఒమేగా 3 మీ ఆహారంలో భాగం కావాలని వైద్యులు చెబుతున్నారు. బాదం, నువ్వులు మరియు చిక్కుళ్ళు రాగికి మంచి వనరులు. నెయ్యి, వాల్నట్లు, అవిసె గింజలు మరియు చియా గింజలు ఒమేగా-3 ఫ్యాటీ యాసిడ్లకు మూలకాలని ఇక వీటిని తీసుకోవాలని వైద్యులు సూచిస్తున్నారు. అంతేకాదు శరీరాన్ని ఎప్పుడూ డీహైడ్రేట్ కానివ్వకుండా మంచినీళ్ళను తాగుతూ ఉండాలని సూచిస్తున్నారు. హైడ్రేటెడ్గా ఉండటం వేగంగా బరువు తగ్గడంలో సహాయపడుతుంది మరియు ఇది హార్మోన్ల పనితీరును కూడా మెరుగుపరుస్తుందని చెబుతున్నారు.
థైరాయిడ్ రోగులలో బరువు తగ్గడానికి పండ్లు
ఈ ఆహారాలతో పాటు, మీ బరువు మరియు మొత్తం ఆరోగ్యాన్ని నియంత్రించడానికి మీరు మీ థైరాయిడ్ ఆహారంలో పండ్లను చేర్చుకోవాలి. యాపిల్స్, బెర్రీలు మరియు అవకాడోలు థైరాయిడ్ రోగులకు మంచి ఆరోగ్య ప్రయోజనాలను కలిగి ఉన్న పండ్లలో ఉన్నాయి. ఈ పండ్లలో యాంటీ ఆక్సిడెంట్లు ఎక్కువగా ఉన్నందున, ఫ్రీ రాడికల్స్ నుండి థైరాయిడ్ గ్రంధిని దెబ్బతీయకుండా నిరోధించడంలో ఇవి ఉపయోగపడతాయి. అంతే కాదు, ఈ పండ్లు కొలెస్ట్రాల్ను తగ్గించడంలో సహాయపడతాయి. మధుమేహం నుండి రక్షణ కల్పిస్తాయి. ఊబకాయాన్ని నివారిస్తాయి. గుండె సమస్యలను కూడా రాకుండా చేస్తాయని వైద్యులు చెబుతున్నారు.
disclaimer: ఈ కథనం వైద్య నిపుణుల సూచనలు మరియు ఇంటర్నెట్లో అందుబాటులో ఉన్న అంశాల ఆధారంగా రూపొందించబడింది. oneindia దీనిని ధృవీకరించలేదు.
Click it and Unblock the Notifications
Sign in with Google