• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

తెలంగాణలో దంచికొడుతున్న ఎండలు.. మరికొద్దిరోజుల్లో హైదరాబాద్‌లో 40 డిగ్రీలు దాటే ఛాన్స్..

|

తెలంగాణలో ఎండలు అప్పుడే ముదిరిపోయాయి. ఇంకా మార్చి నెల కూడా దాటకముందే ఉష్ణోగ్రతలు 40 డిగ్రీలు దాటిపోతున్నాయి. ఆదివారం(మార్చి 28) హైదరాబాద్‌లో 39 డిగ్రీల ఉష్ణోగ్రత నమోదైంది. ఆదిలాబాద్,మంచిర్యాల,కుమ్రం భీమ్ ఆసిఫాబాద్ జిల్లాల్లో ఇప్పటికే 42 డిగ్రీలకు చేరువగా ఉష్ణోగ్రత నమోదైంది. పెద్దపల్లి,జగిత్యాల,నిజామాబాద్ జిల్లాల్లో 41 డిగ్రీల ఉష్ణోగ్రత నమోదైంది. ఎండాకాలం ప్రారంభంలోనే ఇంత ఉష్ణోగ్రతలు నమోదవుతుండటంతో... ఏప్రిల్,మే నెలల్లో ఎండలు మరింత మండిపోయే అవకాశం ఉందని అధికారులు చెప్తున్నారు.

వాతావరణ శాఖ వెల్లడించిన వివరాల ప్రకారం... మార్చి ప్రారంభంలో రాష్ట్రంలో గరిష్ట ఉష్ణోగ్రతలు 35 డిగ్రీల నుంచి 37 డిగ్రీల వరకు నమోదయ్యాయి. మరికొద్దిరోజుల్లో హైదరాబాద్‌లో 40 డిగ్రీల ఉష్ణోగ్రత దాటే అవకాశం ఉంది. ఆదివారం(మార్చి 28) హైదరాబాద్‌లోని హిమాయత్ నగర్‌లో 39.4డిగ్రీల ఉష్ణోగ్రత,ఆసిఫ్‌నగర్‌లో 39.3డిగ్రీల ఉష్ణోగ్రత,ఉప్పల్‌లో 39.2డిగ్రీల ఉష్ణోగ్రత నమోదైంది. గత వారం రోజులుగా రాత్రిపూట ఉష్ణోగ్రతలు 24డిగ్రీలుగా నమోదవుతున్నాయి.గడిచిన 24గంటల్లో అత్యధికంగా జగిత్యాలలోని అల్లిపూర్‌లోని 41.4 డిగ్రీల ఉష్ణోగ్రత నమోదైంది.

 Temperatures on the rise in Telangana hyderabad set to get hotter in next few days

గతేడాది మార్చిలో హైదరాబాద్‌లో గరిష్ఠంగా 37.2 డిగ్రీల ఉష్ణోగ్రత నమోదైంది. కానీ ఈ ఏడాది ఇప్పటికే 39 డిగ్రీల ఉష్ణోగ్రత నమోదైంది. ఏప్రిల్ నుంచి ఎండలు మరింత ముదిరే అవకాశం ఉండటంతో పగటిపూట 44 డిగ్రీల ఉష్ణోగ్రతలు నమోదయ్యే అవకాశం ఉంది. రాబోయే రోజుల్లో ఆదిలాబాద్,మంచిర్యాల,కుమ్రం భీమ్ జిల్లాలతో పాటు కరీంనగర్,ఖమ్మం,నల్గొండ జిల్లాల్లోనూ భారీ ఉష్ణోగ్రతలు నమోదయ్యే అవకాశం ఉంది.

English summary
With the Sun beating down relentlessly, as the summer peaks, temperatures in several places across the State have already crossed the dreaded 40 degree Celsius mark. While the capital city saw the mercury scorching past 39 degree Celsius on Sunday, the situation across the State is already turning hot, with districts like Adilabad, Mancherial and Kumaram Bheem Asifabad recording nearly 42 degrees, while Peddapalli, Jagitial and Nizamabad have recorded 41 degree Celsius.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X