Hyderabad Metro: మెట్రో నుంచి ఎల్అండ్ టీ వైదొలుగుతుందా..!

తెలంగాణలో కాంగ్రెస్ అధికారంలోకి రాగానే మహిళల కోసం మహాలక్ష్మి పథకం తీసుకొచ్చింది. ఇందులో భాగంగా ఆర్టీసీ బస్సుల్లో మహిళలకు ఉచిత ప్రయాణం అవకాశం కల్పించింది. రాష్ట్రంలో ఈ పథకం విజయవంతమైంది. దాదాపు మహిళలందరూ ఆర్టీసీ బస్సులో ప్రయాణిస్తున్నారు. దీంతో మెట్రో రైలులో ప్రయాణించే వారి సంఖ్య తగ్గిపోయింది. తాజాగా మహాలక్ష్మి పథకంపై ఎల్అండ్ టీ ప్రెసిడెంట్, డైరెక్టర్, సీఎఫ్ఓ శంకర్ రామన్ మాట్లాడారు.

ఈ పథకం కొనసాగితే 2026 తర్వాత హైదరాబాద్ మెట్రో నుండి వైదొలగాలని సూచించారు. బిజినెస్ టుడేకి ఇచ్చిన ఇంటర్వ్యూలో రామన్ మాట్లాడుతూ మహిళా ప్రయాణికులు కొత్త ఉచిత బస్ రైడ్ స్కీమ్‌ను ఇష్టపడతారని అన్నారు. ఆర్టీసీ బస్సుల్లో మహిళా ప్రయాణికులు పెరిగినా, మొత్తం బస్సుల సంఖ్య పెరగలేదు. ఏమీ చెల్లించని మహిళలు దీనిని ఉపయోగిస్తున్నారని అన్నారు.

ఒక్కో టిక్కెట్‌పై సగటున రూ. 35 చెల్లించే పురుషులు మెట్రోను ఉపయోగిస్తున్నారని చెప్పారు. హైదరాబాద్ మెట్రో ప్రస్తుతం రోజుకు దాదాపు 4 లక్షల 80 వేల మందికి సేవలు అందిస్తోంది. కాంగ్రెస్ ప్రభుత్వ చొరవ మంచిదే అయినప్పటికీ, హైదరాబాద్ అంత పెద్ద నగరం కాలుష్యాన్ని ఉత్పత్తి చేసే వాహనాలపై ఆధారపడదని రామన్ అన్నారు. రాజకీయ వాగ్దానాలపై తీసుకున్న నిర్ణయాలు రాష్ట్ర ఆర్థిక వ్యవస్థకు సహాయపడలేవని అన్నారు.

దీని వల్ల రాష్ట్ర ఆర్థిక వ్యవస్థ దివాళా తీయవచ్చని చెప్పారు. అధిక ఆదాయంతో మార్చి త్రైమాసికంలో ఎల్ అండ్ టీ ఏకీకృత నికర లాభం 10.2% జంప్ చేసి రూ.4,396.12 కోట్లకు చేరుకుంది. మెట్రో ప్రాజెక్ట్‌కు అనుసంధానించబడిన రియల్ ఎస్టేట్ ద్వారా కూడా డబ్బు సంపాదించాలని బోర్డు పరిశీలిస్తోందని రామన్ చెప్పారు.

English summary

L&T is likely to withdraw from Hyderabad Metro. Shankar Raman, President, Director and CFO of L&T said that the free bus scheme for women will force them to withdraw from Metro.