Exit Polls: ఆ పార్టీ శివతాండవం, మోదీ హవా హుష్ కాకి, తంబీలతో పెట్టుకుంటే వాషౌట్ !

తమిళనాడులో సత్తా చాటుకోవాలని ఎన్డీఏ కూటమి చేసిన ప్రయత్నాలు ఎంత వరకు ఫలిస్తాయో జూన్ 4వ తేదీ వరకు వేచి చూడాలి. ఇక తమిళనాడులో అధికారంలో ఉన్న డీఎంకేతో పొత్తుకుని లోక్ సభ ఎన్నికల్లో పోటీ చేసిన కాంగ్రెస్ పార్టీ సైతం ఎక్కువ సీట్లు కైవసం చేసుకోవాలని ప్రయత్నాలు చేసింది. తమిళనాడులో అధికారంలో ఉన్న డీఎంకే పార్టీ నాయకుల మద్దతుతో కాంగ్రెస్ ఎక్కువ సీట్లు వస్తాయని ధీమాగా ఉంది.

తమిళనాడులో అన్నాడీఎంకేలోని ఓ వర్గం ప్రధాని నరేంద్ర మోదీతో చేతులు కలిపి ఎన్డీఏతో పొత్తు పెట్టుకుంది. ఇక నటుడు శరత్ కుమార్ పార్టీ కూడా ఎన్డీఏలో భాగం అయ్యింది. మరికొన్ని పార్టీలు కూడా ఎన్డీఏకి మద్దతు ఇవ్వడంతో బీజేపీ నాయకులకు కొంచెం ధైర్యం వచ్చింది. ఇక తమిళనాడు బీజేపీ అధ్యక్షుడు అన్నామలై కూడా పాదయాత్రలు చేసి యువతను ఆకర్షించి బీజేపీకి ఓటు బ్యాంకు పెరిగేలా పని చేశారు. మొత్తం మీద ఈసారి తమిళనాడులో బీజేపీకి మంచిరోజులు మొదలైనాయని ప్రజలు అంటున్నా జూన్ 4వ తేదీ అసలు మ్యాటర్ తెలుస్తుందని తమిళ తంబీలు అంటున్నారు.

తమిళనాడులో లోక్‌సభ ఎన్నికల్లో ఇండియా కూటమికి 36 నుండి 39 సీట్లు, బీజేపీ కూటమి 1 నుండి 3 సీట్లు గెలుస్తుందని సీఎన్‌ఎన్, న్యూస్ 18 సర్వే పేర్కొంది. మన దేశంలో మొత్తం ఏడు దశల్లో లోక్‌సభ ఎన్నికలు జరిగాయి. లోక్‌సభ ఎన్నికల తొలి దశ ఏప్రిల్ 19వ తేదీన జరగగా, చివరి దశ ఎన్నికలు ఈరోజు శనివారం జరిగాయి. దేశవ్యాప్తంగా 543 నియోజకవర్గాలు ఉన్నాయి.

అందులో 272 నియోజకవర్గాల్లో గెలిచే పార్టీ లేదా కూటమికి మెజారిటీ వస్తే ప్రభుత్వం ఏర్పాటు చెయ్యడానికి అవకాశం ఉంటుంది. జాతీయ స్థాయిలో బీజేపీ ఎన్డీయే కూటమి, విపక్షాల ఇండియా కూటమి మధ్య పోటీ నెలకొంది. శనివారం సాయంత్రం వివిధ సర్వే సంస్థలు, మీడియా సంస్థలు ఎగ్జిట్ పోల్స్ విడుదల చేశాయి. దీని ప్రకారం తమిళనాడులో ఏ పార్టీ ఎన్ని సీట్లలో గెలుస్తుందన్న దానిపై సీఎన్ఎన్ న్యూస్ 18 ఓ సర్వేను ప్రచురించింది.

తమిళనాడులో అధికారంలో ఉన్న డీఎంకేతో పొత్తు ఉన్న ఇండియా కూటమి 36 నుండి 39 లోక్ సభ స్థానాల్లో విజయం సాధిస్తుందని అంటున్నారు. ఎన్డీఏ కూటమి 1 నుండి 3 సీట్లు గెలుస్తుందని, అన్నాడీఎంకే కూటమి 0 నుండి 2 సీట్లు గెలుచుకునే అవకాశం ఉందని చెబుతున్నారు. మొత్తం మీద తమిళనాడులో డీఎంకే పార్టీ వార్ వన్ సైడ్ అని సీఎన్ఎన్- న్యూస్ 18 సర్వే తేల్చి చెప్పింది.

English summary

36 to 39 for India alliance in Tamil NaduCNN, News 18 survey said that the Lok Sabha seats will come. Congress party allied with DMK in Tamil Nadu.