శునకంపై అమానుషం.. వయాగ్రా వాడానంటూ నిందితుడి వింత వాదన!
ఉత్తరప్రదేశ్ రాష్ట్రంలోని అమ్రోహా జిల్లాలో ఓ దిగ్భ్రాంతికరమైన ఘటన వెలుగులోకి వచ్చింది. హసన్‌పూర్ కొత్వాలి పరిధిలో శకీల్ అలియాస్ పప్పు(50) అనే ముగ్గురు పిల్లల తండ్రి, ఓ ఆడ కుక్కపై అమానుషమైన చర్యకు పాల్పడ్డాడు. సమీపంలోని ఓ దుకాణంలో ఉన్న సీసీటీవీ కెమెరాలో ఈ దృశ్యాలు రికార్డయ్యాయి. ఆ వీడియో సోషల్ మీడియాలో వైరల్ కావడంతో పోలీసులు తక్షణమే స్పందించి నిందితుడిని అరెస్ట్ చేశారు.
షాప్ యజమాని ఈ వీడియోను తన స్నేహితులకు పంపగా.. అక్కడి నుంచి అది కాస్తా వైరల్ అయి స్థానిక యువకుడి వాట్సాప్‌కు చేరింది. ఆ యువకుడు వెంటనే సీసీటీవీ దృశ్యాలను పోలీసులకు అందజేశాడు. ఆధారాలను పరిశీలించిన పోలీసులు నిందితుడిని శకీల్‌గా గుర్తించి.. అతడిపై జంతు హింస నిరోధక చట్టం కింద కేసు నమోదు చేసి అదుపులోకి తీసుకున్నారు.
పోలీసుల విచారణలో నిందితుడు ఓ వింత వాదనను వినిపించాడు. తాను పురుషత్వ సామర్థ్యాన్ని పెంచే వయాగ్రా టాబ్లెట్ వాడటం వల్ల ఆ ప్రభావంలోనే ఈ పని చేసినట్లు పోలీసులకు చెప్పాడు. అయితే నిందితుడి దారుణ చర్యను కప్పిపుచ్చేందుకు చెబుతున్న ఈ సాకును పోలీసులు తోసిపుచ్చారు. సీసీటీవీ ఫుటేజ్‌‌ను కీలక ఆధారంగా స్వాధీనం చేసుకుని నిందితుడిపై కఠిన చట్టపరమైన చర్యలు చేపట్టి కోర్టులో హాజరుపరిచినట్లు కొత్వాలి ఇన్ స్పెక్టర్ సత్యేంద్ర సరోహా తెలిపారు.
Click it and Unblock the Notifications
Sign in with Google
