బెంగళూరు ఎయిర్ పోర్ట్ లో మరో రన్ వే

బెంగళూరు: దక్షిణాది రాష్ట్రాల్లో అత్యంత రద్దీ ఎయిర్ పోర్ట్ లల్లోఒకటైన బెంగళూరు కెంపేగౌడ అంతర్జాతీయ విమానాశ్రయంలో మరో రన్ వే సిద్ధమైంది. విమానాశ్రయానికి దక్షిణం వైపున నిర్మించిన ఈ రన్ వేను అంతర్జాతీయ విమాన సర్వీసుల కోసం మాత్రమే వినియోగించే అవకాశం ఉన్నట్లు తెలుస్తోంది.

కొత్తగా నిర్మించిన ఈ రన్ వేపై మంగళవారం ఉదయం ట్రయల్ రన్ నిర్వహించారు. ఇండిగో, ఎయిర్ ఆసియా పౌర విమానయాన సంస్థలకు చెందిన విమానాలు టేకాఫ్ తీసుకున్నాయి. ఈ ట్రయల్ టేకాఫ్ విజయవంతమైనట్లు కెంపేగౌడ అంతర్జాతీయ విమానాశ్రయ ప్రతినిధి వెల్లడించారు.

టేకాఫ్ సందర్భంగా ఆయా విమానంలు గంటకు 500 కిలోమీటర్ల గరిష్ఠ వేగంతో ప్రయాణించాయని అన్నారు. ఈ సందర్భంగా ఎలాంటి ఇబ్బందులు తమకు ఎదురు కాలేదని పైలెట్లు సంకేతాలు పంపించినట్లు తెలిపారు.

ఈ ఏడాది డిసెంబర్ 5వ తేదీ నుంచి ఈ రన్ వేను పూర్తిస్థాయిలో వినియోగంలోకి తీసుకొస్తామని చెప్పారు. దీని ఫలితంగా డొమెస్టిక్, అంతర్జాతీయ విమాన సర్వీసుల కోసం వేర్వేరు రన్ వే అందుబాటులోకి వచ్చినట్టయిందని ప్రయాణికులు వ్యాఖ్యానిస్తున్నారు. కొత్త రన్ వేను కేవలం అంతర్జాతీయ సర్వీసులకు మాత్రమే పరిమితం చేస్తారా? లేదా? అనేది తెలియరావాల్సి ఉంది.

First validation flight on the new runway at #BLRAirport @IndiGo6E @HariMarar 🛫 pic.twitter.com/NC0SOifzFc

— BLR Airport (@BLRAirport) August 27, 2019

English summary

Kempegowda International Airport (Bengaluru) Spokesperson: The new South Runway at Kempegowda International Airport nears operational readiness with the successful completion of validation flight today. Operations on the new Runway are planned to commence on 5 Dec.