• search

ప్రేమకోసం: దొంగతనం కొత్తగా ఉందని ట్రై చేశాడు...అడ్డంగా దొరికాడు

Posted By:
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    ఢిల్లీ: నిత్యం నేరాలు జరుగుతూనే ఉంటాయి. నేరాల్లో భాగమే దొంగతనాలు కూడా. ఈ దొంగతనాల్లో కూడా కేటుగాళ్లు కొత్త పద్ధతులను కనిపెడుతున్నారు. దొంగతనంలో ఒక పద్ధతి వర్కౌట్ కాకపోతే మరో పద్ధతి... అదీ... కాకపోతే ఇంకో పద్ధతి. దొంగలించే పద్ధతి ఏమైనా ఎలాంటిదైనా... మొత్తానికి అనుకున్నది సాధిస్తున్నారు చార్ సౌ బీస్ గాళ్లు. ఇలాంటి కొత్త పద్ధతి దొంగతనమే ఢిల్లీలో చోటుచేసుకుంది.

    ఇదిగో ఫోటోలో కనిపిస్తున్న ఇతగాడు ఓ అమ్మాయి మనస్సు దొంగలించడమే కాదు... తన ప్రియురాలి పుట్టిన రోజు సందర్భంగా ఆమెకు ఓ కాస్లీ గిఫ్ట్ ఇచ్చేందుకు ఇలా కొత్త పద్ధతిలో దొంగతనం కూడా చేశాడు. ఇంతకీ ఈ యువదొంగ పేరేంటో తెలుసా..వైభవ్ ఖురానా. ఇంజనీరింగ్ పూర్తి చేసి ఢిల్లీలో ఓ హోటల్‌లో సూపర్ వైజర్‌గా పనిచేస్తున్నాడు. ఎంతైనా ఇంజనీరింగ్ చేశాడు కదా... మనోడికి టెక్నాలజీపై బాగా పట్టున్నట్లు ఉంది. ఆ టెక్నాలజీనే దొంగతనానికి వాడుకున్నాడు. ఇక అసలు విషయానికొచ్చేద్దాం.

     BTech graduate held for duping delivery boy, stealing Rs 90K watch to surprise girlfriend

    ఢిల్లీ మోడల్ టౌన్‌లో నివసించే వైభవ్ ఖురానా తన ప్రియురాలికి మంచి గిఫ్ట్ ఇవ్వాలని భావించాడు. అయితే అంత డబ్బు తన దగ్గర లేకపోవడంతో... ఆన్‌లైన్ ఈ కామర్స్ సైట్ నుంచి రూ.67వేలు విలువ చేసే వాచ్ ఆర్డర్ ఇచ్చాడు. అడ్రస్ మాత్రం కరెక్ట్‌గా ఇవ్వలేదు. ఇక డెలివరీ బాయ్ కలిపాడ సాహు ఆ వాచ్ తీసుకుని వైభవ్‌కు ఫోన్ చేశాడు. తను కశ్మీర్ గేట్ మెట్రో స్టేషన్‌ దగ్గర ఉన్నానని అక్కడికి రమ్మని చెప్పాడు. డెలివరీ బాయ్ సాహూ అక్కడికి వెళ్లి వైభవ్‌ను కలిశాడు. వైభవ్ తన ఇంట్లో డబ్బులు ఉన్నాయని అక్కడికి వెళదామని చెప్పి డెలివరి బాయ్ బైకులోనే ఇద్దరూ వెళ్లారు. అయితే తప్పు అడ్రస్‌కు వైభవ్ తీసుకెళ్లాడు. ఇక బైక్ పార్క్ చేసేందుకు పార్శిల్‌ను పక్కనబెట్టాడు సాహూ. ఇదే అదునుగా భావించి ఆ పార్శిల్‌ తీసుకుని బైకుపై ఉడాయించాడు వైభవ్.

    సాహూ వెంటనే పోలీస్ స్టేషన్‌లో ఫిర్యాదు చేశాడు. విచారణ చేసిన పోలీసులు ముందుగా వైభవ్ ఫోన్ నంబరుపై ఉన్న అడ్రస్‌కు వెళ్లాడు. అయితే అక్కడున్న వ్యక్తి ఇది తన నంబరు కాదని చెప్పాడు. వెంటనే ఎక్కువ సార్లు ఉన్న నంబరును తీసుకుని విచారణగా చేయగా... ఆ నంబరు వైభవ్ ప్రియురాలిదిగా తేలింది. అది తన బాయ్ ఫ్రెండ్ వైభవ్ నంబర్ అని చెప్పడంతో పోలీసులు అతని అడ్రస్ కనుకున్నారు. ఇంటికెళ్లి చూడగా వైభవ్ అక్కడే ఉన్నాడు. అతనిని అరెస్టు చేసి చివరకు వాచ్‌ను స్వాధీనం చేసుకున్నారు పోలీసులు.

    English summary
    A 22-year-old BTech graduate was arrested for allegedly conning the delivery boy of a wristwatch worth Rs 90,000, which he had ordered online as a “surprise gift” for his girlfriend.Police recovered the watch and a Hunk motorcycle that the man had used in the crime. They said the man had planned to gift the watch to his girlfriend on her birthday.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more