వివాదాస్పద కార్యక్రమం: టీవీ చానెల్‌పైకి బాంబులు విసిరారు, దాడి చేశారు (ఫోటోలు)

చెన్నై: చెన్నైలోని ప్రముఖ టీవీ చానెల్ కార్యాలయంపై గుర్తుతెలియని దుండగులు నాటు బాంబులు విసిరారు. గురువారం తెల్లవారుజామున ఈ సంఘటన జరిగింది. ఈ ఘటనలో ఎవరూ గాయపడలేదని పోలీసులు తెలిపారు.

మోటార్ సైకిల్‌పై వచ్చిన దుండగులు టిఫిన్ బాక్సుల్లో ప్యాక్ చేసిన బాంబులను టీవీ చానెల్ కార్యాలయంపైకి విసిరారని పోలీసులు తెలిపారు. దుండగులు బాంబులు విసిరిన దృశ్యాలు టీనీ చానెల్‌లోని సీసీ కెమారాల్లో రికార్డైంది.

ఈ ఘటనపై ఎవరినీ పోలీసులు అరెస్టు చేయలేదని తెలిపారు. ఈ ఘటనలో ఎవరూ గాయపడలేదని తలైమురై చానల్ జర్నలిస్టులు తెలిపారు. టీవీ చానెల్ ప్రసారం చేసిన తాళి (మంగళసూత్రం) వివాదాస్పదమైన నేపథ్యంలో ఈ దాడి జరిగి ఉండవచ్చని అనుమానిస్తున్నారు.

ఈ కార్యక్రమాన్ని వ్యతిరేకిస్తూ హిందూ మున్నై సంస్థ ఆదివారం ఆందోళన నిర్వహించింది. ఆందోళన సందర్భంగా టీవీ సామాగ్రిని ఆందోళనకారులు ధ్వంసం చేశారు. వీడియో జర్నలిస్టులపై దాడికి దిగారు.

English summary

Unidentified persons today hurled crude bombs at the office of a popular Tamil TV channel in Chennai, police said.