తీహార్ సెంట్రల్ జైలులో దారుణ హత్య
న్యూఢిల్లీ: దేశ రాజధానిలోని తీహార్ కేంద్ర కారాగారంలో దారుణ ఘటన చోటు చేసుకుంది. ఓ గ్యాంగ్స్టర్ దారుణ హత్యకు గురయ్యాడు. తోటి గ్యాంగ్స్టర్లు అతణ్ని కొట్టి చంపారు. తీవ్ర గాయాల పాలైన అతణ్ని జైలు అధికారులు హుటాహుటిన ఆసుపత్రికి తరలించగా.. అక్కడ చికిత్స పొందుతూ మరణించాడు. ఈ ఘటనపై ఢిల్లీ పోలీసులు కేసు నమోదు చేశారు. దర్యాప్తు చేపట్టారు.
ఆ గ్యాంగ్స్టర్ పేరు టిల్లు తేజ్పురియా. ఢిల్లీలోని రోజ్ అవెన్యూ న్యాయస్థానంలో కాల్పులు జరిపిన ఘటనలో అతను నిందితుడు. ఈ కేసులో అరెస్టయిన టిల్లును పోలీసులు విచారిస్తోన్నారు. తీహార్ కేంద్ర కారాగారంలో అతను విచారణను ఎదుర్కొంటోన్నాడు. ఇదే జైలులో శిక్షను అనుభవిస్తోన్న తోటి గ్యాంగ్స్టర్లు యోగేష్ తుండా, అతని అనుచరులు టిల్లు తేజ్పురియాతో ఘర్షణ పడ్డారు. పరస్పరం దాడి చేసుకున్నారు.
ఈ ఘటనలో టిల్లు తీవ్రంగా గాయపడ్డాడు. రక్తమోడుతూ స్పృహ తప్పిన స్థితిలో అతణ్ని జైలు అధికారులు ఢిల్లీ దీన్ దయాళ్ ఉపాధ్యాయ ఆసుపత్రికి తరలించారు. అక్కడ చికిత్స పొందుతూ అతను మరణించాడు. టిల్లు తేజ్పురియా మరణించినట్లు ఢిల్లీ పోలీసులు ధృవీకరించారు.
ఈ ఘటనపై కేసు నమోదు చేసినట్లు వెల్లడించారు. దర్యాప్తు కొనసాగుతోందని తెలిపారు. టిల్లుపై యోగేష్ తుండా గ్యాంగ్ దాడి చేయడానికి గల కారణాలు ఇంకా తెలియరాలేదని, దీనిపై ఆరా తీస్తోన్నామని అన్నారు.
Click it and Unblock the Notifications
Sign in with Google