ఇదో రకమైన నిరసన!: స్వచ్ఛందంగా తాళి తీశారు (పిక్చర్స్)

By Srinivas

Published: Tuesday, April 14, 2015, 17:13 [IST]

చెన్నై: ద్రవిడ కజగం (డీకే) నేతృత్వంలో మంగళవారం నాడు 'స్వచ్ఛందంగా తాళి తీసే' కార్యక్రమాన్ని చేపట్టారు. తమిళనాడులోని కడలూరులోని ఇది జరిగింది. వారు నల్లటి దుస్తులతో ఈ కార్యక్రమాన్ని చేపట్టారు.

కాగా, తమిళనాట ద్రవిడ కజకం నేత వీరమణి నేతృత్వంలో 'స్వచ్ఛందంగా తాళి తీసే' కార్యక్రమాన్ని చేపట్టేందుకు ఇటీవల నిర్ణయించారు. దీనిని అడ్డుకునేందుకు హిందూసంస్థలు ప్రయత్నించాయి. దీంతో తొలుత పోలీసులు ఈ కార్యక్రమానికి అనుమతి నిరాకరించారు.

వీరమణీపై కేసు కూడా నమోదు చేశారు. అయితే, సోమవారం మద్రాస్ హైకోర్టులో వీరమణి పిటిషన్ దాఖలు చేశారు. ఈ కార్యక్రమాన్ని నిర్వహించుకునేందుకు ఎలాంటి అభ్యంతరం లేదని న్యాయస్థానం తెలిపింది. అలాగే గొడ్డు మాంసాన్ని తినే కార్యక్రమానికి కూడా అనుమతిచ్చింది. మరోవైపు, డీకే తీరుపై విమర్శలు కూడా వినిపిస్తున్నాయి.