ఎలక్షన్ టైమ్ లో సీఎం కొడుకును విచారణకు పిలిచిన ఈడీ, వచ్చేయండి సార్ టైమ్ లేదు !

జైపూర్/న్యూఢిల్లీ: రాజస్థాన్ ముఖ్యమంత్రి అశోక్ గెహ్లాట్ కుమారుడు వైభవ్ గెహ్లాట్‌కు ఎన్‌ఫోర్స్‌మెంట్ డైరెక్టరేట్ (ED) సమన్లు ​​జారీ చేసింది. అక్టోబర్ 27వ తేదీ శుక్రవారం జైపూర్ లో విచారణకు హాజరుకావాలని వైభవ్ గెహ్లాట్ కు ఈడీ అధికారులు ఆదేశాలు జారీ చేశారు. ఫారిన్ ఎక్స్ఛేంజ్ మేనేజ్‌మెంట్ యాక్ట్ (ఫెమా) కేసులో ఎన్‌ఫోర్స్‌మెంట్ డైరెక్టరేట్ (ఈడీ) రాజస్థాన్ సిఎం అశోక్ గెహ్లాట్ కుమారుడు వైభవ్ గెహ్లాట్‌ను ప్రశ్నించడానికి సమన్లు ​​పంపిందని ప్రముఖ వార్తా సంస్థ పీటీఐ తెలిపింది. .

శుక్రవారం జైపూర్ లేదా న్యూఢిల్లీలోని కేంద్ర కార్యాలయం ముందు హాజరు కావాలని వైభవ్ గెహ్లాట్‌ను కోరింది. రాజస్థాన్‌కు చెందిన హాస్పిటాలిటీ గ్రూప్ ట్రిటన్ హోటల్స్ & రిసార్ట్స్ ప్రైవేట్ లిమిటెడ్., వర్ధ ఎంటర్‌ప్రైజెస్ ప్రైవేట్. లిమిటెడ్ మరియు దాని డైరెక్టర్లు మరియు ప్రమోటర్లు శివశంకర్ శర్మా, రత్తన్ కాంత్ శర్మా తదితరులకు ఇటీవల ED అధికారులు సినిమా చూపించారు.

నవంబర్ నెలలో రాజస్థాన్ అసెంబ్లీ ఎన్నికలు జరగనున్నాయి. అయితే ఇప్పుడు కాంగ్రెస్ ముఖ్యమంత్రిగా ఉన్న అశోక్ గెహ్లాట్‌ కుమారుడికి సమన్లు ​​అందాయి. దీంతో ప్రతిపక్ష పార్టీలపై ఈడీ పెత్తనం చెలాయిస్తోందన్న ఆరోపణలు వెల్లువెత్తుతున్నాయి. సీనియర్ టీచర్ క్లాస్ 2 పోటీ పరీక్షలు, 2022 పేపర్ లీక్‌కు సంబంధించి రాజస్థాన్ కాంగ్రెస్ చీఫ్ గోవింద్ సింగ్ దోటసార నివాసంపై ఎన్‌ఫోర్స్‌మెంట్ డైరెక్టరేట్ (ED) గురువారం దాడి చేసింది.

రాజస్థాన్‌లోని జైపూర్‌లోని సివిల్‌లైన్స్‌లోని దోటసార అధికారిక నివాసంపై దాడి జరిగింది. పేపర్ లీక్ కేసుకు సంబంధించి ఎన్‌ఫోర్స్‌మెంట్ డైరెక్టరేట్ రాజస్థాన్‌లోని దాదాపు డజను చోట్ల సోదాలు నిర్వహిస్తోంది. ఈ నెల ప్రారంభంలో పేపర్ లీక్ కేసులో దినేష్ ఖోడానియా, అశోక్ కుమార్ జైన్, స్పర్ధా చౌదరి, సురేష్ ధాకా మరియు ఇతరుల ఏడు నివాస ప్రాంగణాల్లో ED సోదాలు నిర్వహించింది.

మనీలాండరింగ్ నిరోధక చట్టం (పీఎంఎల్‌ఏ) కింద సోదాలు నిర్వహించి పలు పత్రాలు, వివిధ ఆస్తుల విక్రయ పత్రాల కాపీలు, ఎలక్ట్రానిక్ పరికరాలు, రూ.24 లక్షల నగదు స్వాధీనం చేసుకున్నట్లు అధికారులు తెలిపారు. సీనియర్ ఉపాధ్యాయుల పోటీ పరీక్షల కోసం 2022 పేపర్ లీక్ కేసులో ED అధికారులు ఇటీవల దినేష్ ఖోడానియా, అశోక్ కుమార్ జైన్, స్పూర్ధా చౌదరి, సురేష్ ధాకా మరియు ఇతరుల 7 ఇళ్లలో శోధాలు నిర్వహించారు

సెప్టెంబరులో, రాజస్థాన్‌లో పరీక్షల పేపర్ల లీక్ కేసుకు సంబంధించి పీఎంఎల్‌ఏ నిబంధనల ప్రకారం రాజస్థాన్ పబ్లిక్ సర్వీస్ కమిషన్ సభ్యులు బాబులాల్ కటారా మరియు అనిల్ కుమార్ మీనాలను ఈడీ అరెస్టు చేసింది. కటారా, మీనాలను జైపూర్‌లోని ప్రత్యేక పీఎంఎల్‌ఏ కోర్టు ముందు హాజరుపరచగా, ఈడీ వారికి మూడు రోజుల రిమాండ్ విధించింది.

English summary

ED officials have issued summons to Rajasthan Chief Minister Ashok Gehlot's son Vaibhav Gehlot to appear before the inquiry.