షాకింగ్: ఆడుకుంటూనే ప్రాణాలు విడిచిన చిన్నారి! (వీడియో)
గుజరాత్లో అత్యంత విషాదకరమైన సంఘటన వెలుగుచూసింది. తన స్నేహితులతో కలిసి ఎంతో ఉత్సాహంగా ఆడుకుంటున్న ఓ 14 ఏళ్ల బాలిక అకస్మాత్తుగా గుండెపోటుకు గురై ప్రాణాలు కోల్పోయింది. రాజ్కోట్లో జరిగిన ఈ దిగ్భ్రాంతికరమైన ఘటన స్థానికంగా తీవ్ర కలకలం రేపింది. ఆడుకుంటూ పరిగెడుతున్న బాలిక అకస్మాత్తుగా వేగం తగ్గించి ఒక్కసారిగా నేలపై కుప్పకూలిపోతున్న దృశ్యాలు అక్కడి సీసీటీవీ కెమెరాలో రికార్డయ్యాయి. సదరు బాలిక గుండెపోటు కారణంగానే మరణించి ఉంటుందని వైద్యులు అనుమానిస్తున్నారు.
సెలవుల్లో మామయ్య ఇంటికి వచ్చి..
మృతురాలిని గుజరాత్లోని జామ్నగర్ నివాసి అయిన ఆనంది మోడీ(14)గా గుర్తించారు. ప్రస్తుతం పవిత్ర పురుషోత్తమ మాసం, వేసవి సెలవులు కావడంతో ఆనంది రాజ్కోట్లోని తన మేనమామ ఇంటికి సరదాగా గడపడానికి వచ్చింది. ఆదివారం సాయంత్రం కుటుంబ సభ్యులంతా కలిసి స్థానికంగా ఉన్న ఓ రెస్టారెంట్కు భోజనానికి వెళ్లారు. అక్కడ రాత్రి భోజనం ముగిసిన తర్వాత ఆనంది రెస్టారెంట్ ప్రాంగణంలో ఉన్న ఇతర పిల్లలతో కలిసి ఆడుకోవడానికి వెళ్లింది.
ఆడుకుంటూనే అనంత లోకాలకు..
రెస్టారెంట్ ఆవరణలో పిల్లలందరూ ఒకరినొకరు పట్టుకోవడానికి అటూ ఇటూ పరుగులు తీస్తూ ఆటల్లో మునిగిపోయారు. ఈ క్రమంలోనే ఆనంది కూడా మిగతా పిల్లలతో కలిసి పరిగెడుతుండగా.. అకస్మాత్తుగా ఆమె వేగం తగ్గించి అక్కడికక్కడే స్పృహతప్పి పడిపోయింది. గమనించిన కుటుంబ సభ్యులు, రెస్టారెంట్ సిబ్బంది వెంటనే ఆ చిన్నారిని ఆస్పత్రికి తరలించారు. అయితే ఆస్పత్రిలో చికిత్స పొందుతూ ఆనంది ప్రాణాలు కోల్పోయింది. బాలిక అకస్మాత్తుగా కుప్పకూలిపోవడానికి గుండెపోటు ప్రధాన కారణం కావచ్చని వైద్యులు ప్రాథమికంగా నిర్ధారించారు. ప్రస్తుతం ఈ ఘటనపై పోలీసులు తదుపరి దర్యాప్తు జరుపుతున్నారు.
જામનગરથી રાજકોટમાં મામાના ઘરે આવેલી આનંદી રમતા રમતા ઢળી પડી, અકાળે મોતથી પરીવાર સ્તબ્ધ#rajkot #jamnagar #rajkotnews #GujaratiNews #Gujarat #Gujaratijagran #ગુજરાતીજાગરણ pic.twitter.com/myUXC71mAz
— Gujarati Jagran (@gujaratijagran) June 8, 2026
యువతలో పెరుగుతున్న గుండెపోటు ఆందోళనలు
ఇటీవలి కాలంలో చిన్నవయస్సు పిల్లలు, యువకులలో ఇటువంటి ఆకస్మిక గుండెపోటు మరణాలు పెరిగిపోవడం తీవ్ర ఆందోళన కలిగిస్తోంది. గతంలో 2024 డిసెంబర్లో ఉత్తరప్రదేశ్లోని అలీగఢ్లో ఇలాంటి ఘటనే ఒకటి వెలుగుచూసింది. అక్కడ మోహిత్ చౌదరి అనే 14 ఏళ్ల విద్యార్థి స్కూల్ క్రీడా పోటీల కోసం ప్రాక్టీస్ చేస్తూ మైదానంలో రెండు రౌండ్లు పరిగెత్తిన తర్వాత ఒక్కసారిగా అకస్మాత్తుగా కుప్పకూలి గుండెపోటుతో మరణించాడు. అంతకు ముందు నవంబర్ 2024లో అదే అలీగఢ్లోని అర్రానా గ్రామంలో మమత అనే 20 ఏళ్ల యువతి కూడా ఉదయం పూట పరిగెడుతూ అకస్మాత్తుగా గుండెపోటుకు గురై ప్రాణాలు కోల్పోయింది. ఈ వరుస ఘటనలు తల్లిదండ్రులను, వైద్యులను కలవరపెడుతున్నాయి.
Click it and Unblock the Notifications
Sign in with Google