యూపీ పోరులో ఆసక్తికర గణాంకాలు- 305 చోట్ల ఎస్పీతో బీజేపీ హోరాహోరీ-చివరికి జరిగిందిదీ..

Updated: Saturday, March 12, 2022, 17:57 [IST]

యూపీలో తాజాగా జరిగిన అసెంబ్లీ ఎన్నికల్లో తమకు గట్టి పోటీ ఇస్తుందని భావించిన ఎస్పీపై బీజేపీ సునాయాస విజయం సాధించిన విషయం అందరికీ తెలిసిందే. కానీ ఈ పోరు ఏ స్ధాయిలో సాగిందో ఫలితాల్ని బట్టి కాకుండా వాస్తవ పరిస్ధితి ఆధారంగా చూస్తే అసలు విషయం అర్ధమవుతుంది. తాజాగా వెలుగులోకి వచ్చిన గణాంకాల్ని బట్టి చూస్తే బీజేపీ, ఎస్పీ పోరు సాగిన విధానం తెలుస్తోంది.

305 చోట్ల బీజేపీ, ఎస్పీ ముఖాముఖీ

యూపీ ఎన్నికల్లో బీజేపీ, ఎస్పీ మధ్య ఏకంగా 305 నియోజకవర్గాల్లో హోరాహోరీ పోరు సాగిందని తాజా గణాంకాలను బట్టి అర్ధమవుతోంది. యూపీ అసెంబ్లీలోని 403 సీట్లలో 305 సీట్లలో వీరిద్దరి మధ్య సాగిన పోరు, అందులో ఏయే ఓటర్లు వీరి వైపు మొగ్గారన్న దానిపై గణాంకాలు క్రమంగా వెలుగులోకి వస్తున్నాయి. దీంతో బీజేపీ గెలుపు వెనుక ఏం జరిగిందనేది అర్ధమవుతోంది. అలాగే ఎస్పీపై బీజేపీ గెలుపు వెనుక ప్రధాన కారణాలు కూడా తెలుస్తున్నాయి. అలాగే ఈ 305 సీట్లలో సగటున 28,103 ఓట్ల తేడాతో BJP 206 సీట్లు గెలుచుకుంది. అలాగే ఎస్పీ 99 సీట్లలో దాదాపు 17,820 ఓట్లతో విజయం సాధించింది.

ఎవరిపై ఎవరికెన్ని సీట్లు ?

బీజేపీ గెలిచిన మొత్తం 255 సీట్లలో ఎస్పీపై ఏకంగా 206 గెలుచుకుంది. అదేవిధంగా ఎస్పీ గెలిచిన మొత్తం 111 సీట్లలో 99 బీజేపీ అభ్యర్ధులపైనే గెలిచింది. అంటే ఈ పోరు వీరిద్దరి మధ్య ఏ స్దాయిలో జరిగిందో తేలిగ్గానే అర్ధం చేసుకోవచ్చు. రెండు పార్టీల మద్దతు వర్గాల మధ్య కొనసాగుతున్న అంతరాన్ని సూచిస్తూ.. ఒకదానికొకటి సీట్లు పెరిగినప్పటికీ, ఎస్పీపై బీజేపీ విజయాల మార్జిన్ స్వల్పంగా మాత్రమే పడిపోయింది. 2017లో వీరిద్దరూ 191 స్థానాల్లో ప్రత్యక్ష పోటీలో ఉన్నప్పుడు, సగటున 29,014 ఓట్ల తేడాతో బీజేపీ 156 సీట్లు గెల్చుకోగా.. ఎస్పీ 14,803 ఓట్ల తేడాతో 35 సీట్లు గెల్చుకుంది.

ప్రత్యర్ధులతో బీజేపీ-ఎస్పీ పోరు

యూపీలో తాజాగా బీజేపీ గెలుచుకున్న మిగిలిన 49 సీట్లలో మరో 27 ఎస్పీ మిత్రపక్షాలకు వ్యతిరేకంగా వచ్చాయి 19 ఆర్ఎల్డీ, 6 సుహెల్‌దేవ్ భారతీయ సమాజ్ పార్టీ, 2 అప్నా దళ్ (కామెరవాడి)పై బీజేపీ గెల్చుకుంది. బీజేపీ 16 స్థానాల్లో బీఎస్పీ 4, కాంగ్రెస్ ఇద్దరు స్వతంత్రులను ఓడించింది.ఎస్పీ గెలుచుకున్న 12 సీట్లలో బీజేపీకి వ్యతిరేకంగా పోటీ చేయని చోట, అది బిజెపి మిత్రపక్షాలపై తొమ్మిది సీట్లు గెలుచుకుంది వీటిలో 5 అప్నా దళ్ (సోనీలాల్), 4 నిషాద్ పార్టీకి వ్యతిరేకంగా గెల్చుకుంది. అంతేకాకుండా బీఎస్పీకి వ్యతిరేకంగా రెండు సీట్లు, జేడీ(యూ)పై ఒక సీటు కూడా గెలుచుకుంది. ఎస్పీకి వ్యతిరేకంగానే కాదు, 2017లో రికార్డు స్థాయిలో 312 అసెంబ్లీ స్థానాలను గెలుచుకున్న 2017లో 32,918 నుంచి 31,718 ఓట్లకు, అన్ని స్థానాల్లో బీజేపీ సగటు విజయ మార్జిన్ స్వల్పంగా తగ్గింది.