Aisha Sultana : రాజద్రోహం కేసులో ఊరట- కేరళ హైకోర్టు ముందస్తు బెయిల్‌

కేరళ నటి, నిర్మాత అయిషా సుల్తానాకు హైకోర్టులో ఇవాళ ఊరట లభించింది. లక్షద్వీప్‌ అడ్మినిస్ట్రేటర్ ప్రఫుల్‌ పటేల్‌ను ఉద్దశించి ఆమె చేసిన వ్యాఖ్యలపై పోలీసులు రాజద్రోహం కేసు నమోదు చేశారు. ఇందులో అరెస్టు కాకుండా కేరళ హైకోర్టు ఆమెకు మధ్యంతర ముందస్తు బెయిల్‌ మంజూరు చేసింది.

లక్షద్వీప్‌ అడ్మినిస్ట్రేటర్‌ను ఉద్దేశించి చేసిన వ్యాఖ్యలపై పోలీసులు అయిషా సుల్తానాకు ఈ నెల 20న తమ ముందు హాజరుకావాలని నోటీసులు జారీ చేశారు. దీంతో ఆమె బెయిల్ కోరుతూ హైకోర్టును ఆశ్రయించారు. దీనిపై విచారణ జరిపిన హైకోర్టు ధర్మాసనం విచారణకు హాజరుకావాలని, ఆమెను పోలీసులు కనుక అరెస్టు చేస్తే బెయిల్‌పై విడుదల కావొచ్చని ఉత్తర్వులు జారీ చేశారు. అయితే ఆమె రెగ్యులర్‌ బెయిల్‌పై మాత్రం హైకో్ర్టు తుది ఉత్తర్వులను రిజర్వ్‌ చేసింది.

లక్షద్వీప్‌లో కరోనా వ్యాప్తికి కేంద్రం జీవాయుధం ప్రయోగించిందంటూ ఓ టీవీ ఛానల్ చర్చలో అయిషా సుల్తానా వివాదాస్పద వ్యాఖ్యలు చేశారు. అయితే ఆ జీవాయుధం లక్షద్వీప్‌ అడ్మినిస్ట్రేటర్‌ ప్రఫుల్ పటేలే అన్న అర్ధం వచ్చేట్టుగా ఆమె మాట్లాడారని పోలీసులు కేసు పెట్టారు. లక్షద్వీప్‌లో అడ్మినిస్ట్రేటర్‌గా ప్రఫుల్ పటేల్‌ రాకముందు కరోనా కేసులు లేవని, ఆయన వచ్చాక ఏకంగా 9 వేల కేసులు వచ్చాయని ఆమె వ్యాఖ్యానించారు. దీంతో పోలీసులు ఆమెపై రాజద్రోహం కేసు పెట్టారు. దీనిపై ఆమె హైకోర్టును ఆశ్రయించగా.. మధ్యంతర బెయిల్‌ మంజూరైంది. మరోవైపు అయిషా సుల్తానా వ్యాఖ్యల్ని లక్షద్వీప్‌లో బీజేపీ సహా అన్ని పార్టీలు ఇప్పటికే సమర్ధించాయి.

English summary

kerala film maker aisha sultana, who is facing sedition charges for her comments against lakshadweep administrator on today got interim anticipatory bail in kerala high court