నాలా బిజినెస్: 2015లో మోడీ నిర్ణయం ఇది కావాలని శృంగార తార సన్నీ

న్యూఢిల్లీ: కొత్త ఏడాది వచ్చిన ప్రతిసారి చాలామంది ఏదో ఒక నిర్ణయం తీసుకుంటారు. దానిని ఎందరు అమలు చేస్తారు, ఎందరు అమలు చేయరు అనే విషయం తర్వాత. కానీ చాలామంది తాము ఈ కొత్త ఏడాదిలో ఏం చేయాలో నిర్ణయాలు తీసుకుంటారు. అయితే, ఇతరులు తీసుకోవాల్సిన నిర్ణయాలు చెప్పడం కొంత ఆశ్చర్యమే అని చెప్పవచ్చు.

శృంగార తార సన్నీలియోన్ 2014లో మోస్ట్ సెర్చ్‌డ్ సెలబ్రిటీగా ఉన్న విషయం తెలిసిందే. ఆమె ఓ నిర్ణయం గురించి చెప్పింది. అయితే అది తనకు కాకుండా ప్రధాని నరేంద్ర మోడీ తీసుకోవాలని అభిప్రాయపడింది.

ఓ ఆంగ్ల మీడియాలో వచ్చిన దాని ప్రకారం... ప్రధాని నరేంద్ర మోడీ అందరు ఎన్నారైల కోసం ఓ నిర్ణయం తీసుకోవాలని, ప్రపంచవ్యాప్తంగా మోడీ ఇంటరాక్ట్ అవుతున్నారని చెప్పారు.

అలాంటి మోడీ 2015 కొత్త సంవత్సరంలోకి అడుగుపెడుతున్న సమయంలో.. అందరు ఎన్నారైలు భారత్‌లో సులభంగా వ్యాపారం చేసుకునేలా అవకాశం కల్పించేలా ఆయన నిర్ణయం తీసుకోవాలన్నారు. తనలా అందరూ ఎన్నారైలు సులభంగా ఇక్కడ బిజినెస్ చేసుకునేలా ఆయన నిర్ణయం తీసుకోవాలన్నారు.

కాగా, 2014లో టాప్ సెర్చ్‌డ్ పర్సనాలిటీలలో సన్నీలియోన్‌తో ప్రధాని నరేంద్ర మోడీ, బాలీవుడ్ నటుడు సల్మాన్ ఖాన్ తదితరులు ఎందరో ఉన్నారు. టాప్‌లో సన్నీలియోన్ ఉండగా, నరేంద్ర మోడీ రెండో స్థానంలో ఉన్నారు.

English summary

Each new year brings a new chance to adopt resolutions. But how about making resolutions for others? Sunny Leone, the most searched celebrity of 2014 made a New Year resolution but surprisingly not for herself. She has made a resolution for Prime Minister Narendra Modi.