తనతో డ్యాన్స్ చేయలేదని నెలల గర్భిణీ డ్యాన్సర్‌ని కాల్చేశాడు

పంజాబ్‌లోని భటిండాలో శనివారం రాత్రి దారుణం జరిగింది. ఇరవై రెండేళ్ల ఏళ్ల డ్యాన్సర్‌ని వేదిక పైనే కాల్చి చంపాడు ఓ వ్యక్తి. ఆ సమయంలో అతను మద్యం సేవించి ఉన్నాడు.

Published: Sunday, December 4, 2016, 18:58 [IST]

చండీగఢ్: పంజాబ్‌లోని భటిండాలో శనివారం రాత్రి దారుణం జరిగింది. ఇరవై రెండేళ్ల ఏళ్ల డ్యాన్సర్‌ని వేదిక పైనే కాల్చి చంపాడు ఓ వ్యక్తి. ఆ సమయంలో అతను మద్యం సేవించి ఉన్నాడు. తనతో కలిసి డ్యాన్స్ చేయమని అడిగాడు. అందుకు ఆమె నిరాకరించింది.

దీంతో ఆగ్రహానికి గురైన వ్యక్తి తుపాకీతో కాల్చి చంపేశాడు. ఘటన జరిగిన సమయంలో నిందితుడు పూటుగా మద్యం తాగి ఉన్నాడని స్థానికులు తెలిపారు. సదరు డ్యాన్సర్ రెండు నెలల గర్భిణీ కావడం మరో బాధాకరమ విషయం. ఆమెను కాల్చిన నిందితుడు అక్కడి నుంచి పరారయ్యాడు. పోలీసుుల అతని కోసం గాలిస్తున్నారు.

ఓ పెళ్లి వేడుకలో భాగంగా ఓ డ్యాన్స్ గ్రూప్ ఫర్మార్మ్ చేస్తోంది. ఆ డ్యాన్స్ గ్రూప్‌లో బాధితురాలు కూడా సభ్యురాలు. మృతురాలిని కుల్వీందర్ కౌర్‌గా గుర్తించారు. నిందితుడు వేదిక పైకి ఎక్కి, సదరు డ్యాన్సర్‌ను తనతో డ్యాన్స్ చేయాలని అడిగాడు. ఆమె నిరాకరించడంతో తన చేతిలోని పిస్టల్ తీసుకొని కాల్చాడు.

మృతురాలి సోదరుడు విక్రమ్ కుమార్ ఇంగ్లీష్ మీడియాకు చెప్పిన వివరాల ప్రకారం.. కుల్వీందర్ రెండు నెలల గర్భిణీ. తన సోదరిని పెళ్లి కొడుకు సోదరుడు, ఇద్దరు స్నేహితులు కాల్చారని చెప్పాడు. అయితే వీడియోలో మాత్రం ఒక్కరే కాల్చినట్లుగా ఉంది.

Published On December 4, 2016