శోక సంద్రంలో ముఖేష్ అంబానీ కుటుంబం

ముఖేష్ అంబానీ ఎంతో ప్రేమగా పెంచుకుంటున్న కుక్క మరణించింది. తీవ్ర అనారోగ్యంతో ఆ కుక్క మరణించడం జరిగింది. అంబానీ కుటుంబం తమ ప్రియమైన సహచరుడిని కోల్పోయినందుకు తీవ్ర దుఃఖంలో ఉంది మరియు హృదయపూర్వక నివాళి అర్పించింది. హ్యాపీ వారి హృదయాలలో ఎప్పటికీ నిలిచి ఉంటుందని వారు పేర్కొన్నారు. అయితే ఆ కుక్క గురించి ఎవరికి తెలియని కొన్ని విషయాలను తెలుసుకునే ప్రయత్నం చేద్దాం.

ఆ కుక్క పేరు హ్యాపీ, ఇది గోల్డెన్ రిట్రీవర్ జాతికి చెందినది. హ్యాపీ అంబానీ కుటుంబానికి ఒక సాధారణ పెంపుడు జంతువు కాదు. అది వారికి ఒక కుటుంబ సభ్యుడు లాంటిది.హ్యాపీ కోసం ప్రత్యేకంగా ఒక మెర్సిడెస్-బెంజ్ G400d SUV కొనుగోలు చేశారు. ఈ లగ్జరీ కారు విలువ దాదాపు రూ. 2.55 కోట్ల నుండి రూ. 3 కోట్ల వరకు ఉంటుంది. హ్యాపీ ప్రయాణించడానికి మాత్రమే ఈ కారును ఉపయోగించేవారట.

అంతకు ముందు హ్యాపీ టయోటా ఫార్చ్యూనర్ , టయోటా వెల్‌ఫైర్ వంటి ఖరీదైన కార్లలో ప్రయాణించేది. హ్యాపీ ప్రత్యేక సందర్భాలలో ప్రత్యేకంగా డిజైన్ చేసిన దుస్తులు ధరించేది. ఇటీవల అనంత్ అంబానీ వివాహ వేడుకల్లో అది పింక్ కలర్ బనారసి సిల్క్ బ్రోకేడ్ జాకెట్ ధరించి అందరి దృష్టిని ఆకర్షించింది.

అంబానీ కుటుంబం హ్యాపీ ఆరోగ్యం విషయంలో చాలా శ్రద్ధ తీసుకునేది. దాని కోసం ప్రత్యేకమైన పోషకాహారం, రెగ్యులర్ వెటర్నరీ చెకప్‌లు మరియు డాగీ ఆరోమాథెరపీ వంటివి ఏర్పాటు చేసేవారు.
నీతా అంబానీ స్వయంగా తాను ఒక "డాగ్ మదర్" అని చెప్పుకున్నారు. అనంత్ అంబానీ వేలాది వీధి కుక్కలను రక్షించినప్పటికీ, హ్యాపీ వారి కుటుంబంలో ఒక ప్రత్యేకమైన స్థానాన్ని కలిగి ఉంది.
వేడుకల్లో ప్రత్యేక పాత్ర: హ్యాపీ అంబానీ కుటుంబ వేడుకల్లో ముఖ్యమైన పాత్ర పోషించేది. అనంత్ అంబానీ మరియు రాధిక మర్చంట్ నిశ్చితార్థ వేడుకలో హ్యాపీ రింగ్ బేరర్‌గా కూడా వ్యవహరించింది.దురదృష్టవశాత్తు, హ్యాపీ ఏప్రిల్ 30, 2025న మరణించింది.

English summary

One of their most beloved companions, Happy, a golden retriever who captured hearts across the Internet during Anant Ambani and Radhika Merchant's pre-wedding celebrations, has died. The news of Happy's passing was shared through the Instagram handles Viral Bhayani and Ambani Update.